အပ္ပမာဒေါ အမတံ ပဒံ ကုသိုလ်ကောင်းမှုတို့၌ မမေ့မလျော့ခြင်းသည် သေခြင်းကင်းရာ နိဗ္ဗာန်၏အကြောင်း ဖြစ်သည်။
Tuesday, December 9, 2014
အပ္ပမာဒ ဓမ္မရသ မဂ္ဂဇင်း အတွဲ (၁၅) ၊ အမှတ် (၁၂) ဒီဇင်ဘာ ၂၀၁၄.
အပ္ပမာဒ ဓမ္မရသ မဂ္ဂဇင်း အတွဲ (၁၅) ၊ အမှတ် (၁၂) ဒီဇင်ဘာ ၂၀၁၄ စာအုပ်ကို ဤနေရာတွင် အခမဲ့ ဒေါင်းလုပ် ရယူနိုင်ပါသည်။
http://www.mediafire.com/download/cylco4mo6dc078z/15-12+--Form.pdf
မြင့်မြတ်သူများ၏ စနစ်ကျသော ဒါနလုပ်ငန်း( ဖိုးဥာဏ် လောကနတ် )
မြင့်မြတ်သူများ၏
စနစ်ကျသော ဒါနလုပ်ငန်း
ဖိုးဥာဏ်(လောကနတ်)
ဒါန ဟူသည် ပေးကမ်းခြင်း
ဖြစ်၏။ပေးကမ်းခြင်း၌ ရိုသေသော အခြင်းအရာ ပါသောအခါ ထို ပေးကမ်းခြင်းကို
မြန်မာဝေါဟာဖြင့် စကားပြောင်း၍သုံးရလျှင် လှူဒါန်း ခြင်းဟုလည်းကောင်း၊ ချီးမြှောက်
ထောက်ပံ့ခြင်းဟု လည်းကောင်း သုံးစွဲကြလေသည်။ မည်သို့ဖြစ်စေ ပေးကမ်းခြင်း
ဒါနလုပ်ငန်းကို လုပ်ရာတွင် လုပ်ရပ်နှင့် ရည်ရွယ်ချက်သည် များစွာအရေးကြီး၏။ ဒါန
လုပ်ငန်း၏လုပ်ရပ်ပိုင်းအရ အခြားသူအား ပေးကမ်းခြင်းဖြစ်ပြီး၊ ရည်ရွယ်ချက်အရ မိမိအကျိုးရရှိရေး ကို
ဦးတည်သောအခါ လုပ်ရပ်နှင့် ရည်ရွယ်ချက်သည်
တစ်ထပ်တည်း မကျချေ။
အမှန်အားဖြင့် လုပ်ရပ်ရော၊
ရည်ရွယ်ချက်ပါ တစ်ထပ်တည်း တစ်သားတည်း ကျမည် ဆိုပါက ဤကမ္ဘာလောက၌ ထိုလုပ်ရပ်မျိုးလောက်
အကျိုးအာနိသင်ကြီးမား သောလုပ်ငန်းဟူ၍ မရှိနိုင်ကောင်း။ လုပ်ရပ်ကလည်း မှန်၊ ရည်ရွယ်ချက်ကလည်း
ကောင်းသည့်အခါ နှစ်ပါးစုံသောအာနိသင်တို့ကြောင့် အကျိုးတရားသည် အတိုင်းအဆ
မရှိနိုင်။ ချဲ့၍ဆိုရလျှင် လုပ်ရပ်က လည်း မှန်၊ အကျိုးလည်းရှိပြီး ရည်ရွယ်ချက်ကပါ
ကောင်း၍ ဦးတည်ချက်လှပမည်ဆိုပါက ဘာမျှ ပြောစရာမရှိတော့။ အားလုံး ပြည့်စုံ၏။
ဒါနလုပ်ငန်းအရ အပိုင်း သုံးပိုင်း ရှိ၏။
ယင်းတို့မှာ အလှူ ပစ္စည်းပိုင်း၊ ထိုအလှူပစ္စည်းကို
လက်ခံမည့်သူအပိုင်းနှင့်အလှူပစ္စည်း လှူမည့်သူအပိုင်းတို့ ဖြစ်သည်။ယင်း အပိုင်း
သုံးပိုင်းပါမှ ဒါနလုပ်ငန်းသည် ပြီးမြောက်နိုင်၏။
အလှူပစ္စည်းပိုင်းအရ ဒါန လုပ်ငန်းကို
လုပ်ရာတွင် ဝတ္ထုပစ္စည်း သည် တန်ဖိုးနည်းချင်လည်း နည်းနိုင်၏။ တန်ဖိုးကြီးချင်လည်း
ကြီး နိုင်၏။ သို့သော် တန်ဖိုးကြီးခြင်း၊ တန်ဖိုး နည်းခြင်းသည် အဓိက မဟုတ်။ ဒါနပြုသောရည်ရွယ်ချက် ကသာ
အရေးကြီး၏။ရည်ရွယ်ချက်အရ ဒါနပြုသူတို့သည် မိမိအကျိုး ရရှိရေးအတွက်သာ ဦးတည်မိလျှင်
အတ္တကောင်းစားရေးသို့ ဦးတည် ရာရောက်၏။ အတ္တသို့ ဦးတည်မိ သည်နှင့်တစ်ပြိုင်နက် ထို ဦးတည်မှု
မှန်သမျှသည် အတ္တကိုခင်တွယ်သော တဏှာ၏ အောက်၌ လည်းကောင်း၊ အတ္တရှိခြင်းကို အားပေးလျက်
အမှန်ကို ဖုံးကွယ်ေသာ အဝိဇ္ဇာ၏ အောက်၌ လည်းကောင်း တည်ရှိရာ ရောက်၏။ ထိုအခါ
အကျိုးသည် ရသင့်သလောက် မရဘဲတဏှာနှင့်အဝိဇ္ဇာတို့က ဖျက်ဆီးခံရပြီးသော အြွကင်း အကျန်
အကျိုးမျှကိုသာ ရနိုင် လေ၏။
ဒါနလုပ်ငန်းဟူသည် မြင့်မြတ် သူတို့
လုပ်သော လုပ်ငန်းမျိုး ဖြစ်၏။ ထို့ကြောင့် မည်သူမဆို ဒါန လုပ်ငန်းကိုလုပ်သည့်အခါ
မြင့်မြတ် သူတို့လုပ်သောနည်းအတိုင်း လုပ် ဖို့လို၏။ မြင့်မြတ်သူတို့က ဒါနကို
ပြုကြရာတွင် အလှူခံပုဂ္ဂိုလ်အရ သူတောင်းစားလည်း ဖြစ်ချင် ဖြစ်မည်။ ရှင်ဘုရင်လည်း
ဖြစ်ချင်ဖြစ်မည်။ ဆရာတော်ကြီးလည်း ဖြစ်ချင်ဖြစ်မည်။ မည်သူဖြစ်ဖြစ်မြင့်မြတ်
သူတို့သည် အလှူခံပုဂ္ဂိုလ်တို့အား တစ်တန်းတည်း တစ်စားတည်း ထား၏။ အားလုံး အလှူခံ
ပုဂ္ဂိုလ်ချည်း ဖြစ်၏။ မိမိ၏ ဒါနလုပ်ငန်းကို ဖြစ်မြောက်အောင် ကူညီမည့်သူချည်း
ဖြစ်၏။ တစ်တန်းတည်း တစ်စားတည်း ထားသည်ဆိုရာ၌ သူတောင်းစားနှင့် ရှင်ဘုရင်ကိုလည်း
တစ်နေရာတည်း ထားသည်မျိုးကို ဆိုလိုခြင်းမဟုတ်။ ဆရာတော်ကြီး များကိုလည်း
လူများနှင့် တန်းတူ ဆက်ဆံသည်ကို ဆိုသည် မဟုတ်။ ရိုသေ လေးစားမှုအားဖြင့်က သတ်သတ်၊
အလှူပစ္စည်းလှူရာ၌ အလှူခံပုဂ္ဂိုလ်များကို မိမိ၏ဒါနအား ချီးမြှောက်မည့်သူများအဖြစ်
ကျေးဇူးရှင်သဖွယ် တစ်သားတည်းထားခြင်းကို ဆိုလိုခြင်းဖြစ်၏။
အလှူပစ္စည်းပိုင်းအရဆိုလျှင်
ပေးကမ်းလှူဒါန်းမည့် ပစ္စည်းကို မြင့်မြတ်သူများက သန့်သန့်ရှင်းရှင်း ဖြစ်အောင်
စီမံ၏။ ဆရာတော်ကြီး မို့ ဖွယ်ဖွယ်ရာရာ၊ ကိုရင်လေးမို့ သင့်လျော်သလို၊
သူတောင်းစားမို့ ပြီး, ပြီးရော မလုပ်။ လှူမှ လှူပြီ ဆိုလျှင် မည်သူ့ကိုမဆို အလှူ
ပစ္စည်းအတွက် ကောင်းသည်ထက် ကောင်းအောင် စီမံ၏။ သုံးဆောင် ချင်သည်ထက်
သုံးဆောင်ချင်ဖွယ် ဖြစ်အောင် မွမ်းမံ၏။ တန်ဖိုးနည်းခြင်း မနည်းခြင်းကို အဓိကမထား၊
ကောင်းကောင်းမွန်မွန်ဖြစ်ရေးကိုသာ အဓိကထား၏။ မြင့်မြတ်သူများသည် အလှူပစ္စည်းကို
လှူဒါန်း ရာ၌ နေရာကိုလည်း ကြည့်၏။ ကာလကိုလည်း ကြည့်၏။ ပုဂ္ဂိုလ်ကိုလည်း ကြည့်၏။
မည်သည့်နေရာ မည်သည့်အချိန်၌ မည်သည့် ပုဂ္ဂိုလ်ကို လှူရမည် ဆင်ခြင်တတ်ခြင်းကို
ဆိုခြင်းဖြစ်၏။
ထို့ပြင် လူသည် ကိုယ့်မိသားစုနှင့်ကိုယ်
နေကြသည်ချည်း ဖြစ်၏။ ထိုသို့နေသောအခါ မိသားစု အရေး ဟူသည် ရှိသေး၏။ လူဖြစ်လျှင်
လူ့တာဝန်အရ လောက၏တာဝန်ကိုလည်း ထမ်းရမည်ဖြစ်၏။ မိမိ၏ မိသားစုနှင့်
ဆွေမျိုးများကိုလည်း နိုင်သလောက် စောင့်ရှောက်ရမည် ဖြစ်၏။ မိမိ၏ ဘဝ တိုးတက်ရာ
တိုးတက်ကြောင်းကိုလည်း လုပ်ရမည်ဖြစ်၏။
ထို့ကြောင့် မြင့်မြတ်သူတို့သည်
ပေးလှူခြင်း ဒါနလုပ်ငန်းကို ပြုသော် လည်း အလှူပစ္စည်းနှင့် ပတ်သက်၍ မနိုင်သည့်
ဝန်ကို မထမ်း။ မိမိ တတ်နိုင်သလောက်သာ လှူ၏။လူအထင်ကြီးခံရစေရေးငှာြွေကး
ပတ်လည်ဝိုင်းနေရလောက်အောင် လုပ်၍လည်း မလှူ။ အခြားသူတို့ ၏အလှူထက် သာအောင် လုပ်၍
လည်း မလှူ။ သို့သော် မြင့်မြတ် သူများသည် လိုအပ်လာလျှင်တော့ စည်းစိမ်ပြုတ်ချင်
ပြုတ်ပါစေ။ကိုယ် အင်္ဂါအစိတ်အပိုင်းများကို စွန့်ချင် စွန့်ရပါစေ။ နောက်ဆုံး အသက်ပင်
အသေခံရပါစေ၊ အားလုံးကိုစွန့်လွှတ် နိုင်၏။ မလိုအပ်သေးလျှင်သာ ဘာမှ မလုပ်ဘဲ
နေချင်နေမည် ဖြစ်၏။
မြင့်မြတ်သူတို့သည် အလှူ
ဝတ္ထုနှင့်ပတ်သက်လျှင် သန့်သန့် ရှင်းရှင်းဖြစ်အောင် လုပ်၏။ ဝတ္ထု
ပစ္စည်းသန့်ရှင်းခြင်းဟူသည် နှစ်မျိုး ရှိ၏။ ယင်းတို့မှာ လှူမည့် ပစ္စည်း ဝတ္ထုကို
အညစ်အကြေးကင်းကင်း ဖြစ်အောင်၊ သပ်သပ်ရပ်ရပ် ဖြူဖြူစင်စင် သန့်သန့်ရှင်းရှင်း ဖြစ်အောင်
စီမံခြင်းနှင့် ထိုလှူမည့် ပစ္စည်းကို တရားသဖြင့် ရှာဖွေထားသဖြင့် မတရားသဖြင့်
ရှာဖွေမှုမှ စင်ကြယ် သန့်ရှင်းခြင်းတို့ဖြစ်၏။ လောက၌ သူ့အသက်သတ်ခြင်းဖြင့် ရရှိလာသော
စီးပွားဥစ္စာကို အသုံးပြု၍ ရောင်းဝယ်
လဲလှယ်ထားသော ပစ္စည်းများကို လှူခြင်းလည်းရှိ၏။ ခိုးရာပါပစ္စည်းဖြင့် လှူခြင်းမျိုးလည်း
ရှိ၏။ လိမ်လည်လှည့်ပတ်၍ ရလာသော ပစ္စည်းများကို လှူခြင်းမျိုး လည်း ရှိ၏။
အခြားမတရားသော စီးပွားရှာဖွေမှုမှ ရရှိလာသော ငွေကြေးတို့ဖြင့် လှူခြင်းမျိုးလည်း
ရှိ ၏။ အမှန်အားဖြင့် ထိုလှူခြင်းမှန် သမျှသည် မြင့်မြတ်သူတို့၏လှူခြင်းမျိုး
မဟုတ်။ ကိုယ်ကျင့်သိက္ခာကို အလေးမထားသော မိမိအကျိုးရရှိ ရေးကိုသာ
မျှော်တတ်သည့်သူများ ၏လှူခြင်းမျိုးသာ ဖြစ်၏။
ထိုလှူခြင်းမျိုးဖြင့် လှူလျှင်
အကျိုးကတော့ ဒါနလုပ်ငန်းအရ ရတော့ ရမည် ဖြစ်၏။ သို့သော် အလှူက မဖြူစင်သည့်အတွက်
အကျိုးကလည်း မဖြူမစင်သာ ရမည်ဖြစ်၏။ မြင့်မြင့်မြတ်မြတ်တော့ ရမည် မဟုတ်။ လှူသော
ဝတ္ထု ပစ္စည်းချင်းက တူသော်လည်း အကျိုးကို ဖြူဖြူစင်စင် ရချင်လျှင်
မြင့်မြင့်မြတ်မြတ်ရချင်လျှင် လှူပုံ လှူနည်းကို ဖြူဖြူစင်စင်ဖြစ်အောင်
လုပ်ဖို့လို၏။ မြင့်မြင့်မြတ်မြတ်ဖြစ် အောင်လုပ်ဖို့ လို၏။
မြင့်မြတ်သူတို့၏ ဒါနလုပ်နည်း သည် များစွာမှတ်သားဖွယ်ကောင်းပါ၏။
မြင့်မြတ်သူတို့သည် ဒါန လုပ်ငန်းကို လုပ်သောအခါ မိမိ၏ စိတ် အခြေအနေအရလည်း မိမိ
အကျိုးကို မမျှော်။ အလှူခံပုဂ္ဂိုလ်၏ အရေးကိုသာ မျှော်၏။ မိမိ လှူသော ပစ္စည်းကို
အလှူခံမည့်သူ အဆင်ပြေပြေ သုံးဆောင်ရလျှင် ကျေနပ် ၏။ ဘာကိုမှ မမျှော်ကိုး။ လှူမည်
ဟု ဆုံးဖြတ်ထားလျှင် မည်သူက ဖျက်ဖျက် မပျက်ရလေအောင် ဖြစ်သည့်နည်းနှင့် ရအောင်လှူ၏။
ထို ဒါနလုပ်ငန်းနှင့်ပတ်သက်၍ အလှူပွဲ မပြီးဆုံးမချင်း ကိုယ်ကျင့်တရားကို
ပြည့်ပြည့်ဝ၀ စောင့်ထိန်း၏။ အကြောင်းမှာ
မြင့်မြတ်သူတို့သည် သူတို့လုပ်ငန်း မှန်သမျှကို ကိုယ်ကျင့်
သိက္ခာမြင့်မားမှုအပေါ်တည်ဆောက် ထားလိုကြခြင်းကြောင့် ဖြစ်ပါ၏။ (အလှူပွဲ
ပြီးသွားလျှင်တော့ ကိုယ်ကျင့်တရား ပျက်ပါစေဟု ရည်ရွယ်ခြင်း မဟုတ်။ သီလပြည့်စုံမှု
ကိုသာ ဖော်ပြလိုရင်း ဖြစ်ပေသည်)
မြင့်မြတ်သူတို့သည် မိမိ ပြုသောဒါနနှင့်
ပတ်သက်၍ ပစ္စည်း ဝတ္ထုအပေါ် တွယ်တာမှုကို အပြတ် စွန့်ပယ်ထားကြ၏။ မိမိချစ်သောသူ
များကိုတော့ တန်ဖိုးကြီးကြီးလှူပြီး မိမိနှင့်မပတ်သက်သောသူများကို
ရိုးရိုးပစ္စည်းလှူ၍ မိမိမကြိုက်သည့် သူများကိုကား မလှူဘဲနေခြင်းမျိုး မဖြစ်အောင် သတိပြု၏။ မြင့်မြတ်သူတို့သည်
လှူမည့်ဝတ္ထုပစ္စည်း၌ သာ တွယ်တာမှုကို စွန့်ပယ်ထားသည် မဟုတ်။ မိမိ ပြုသောဒါန
၏အကျိုးဆက်ကြောင့် ရရှိလာနိုင် သော သုဂတိအကျိုး၊ စည်းစိမ် ဥစ္စာအကျိုး
စသည်တို့အပေါ်လည်း တွယ်တာမှုကို စွန့်ပယ်ထားကြပါ၏။ ဒါနကိုပြုလျှင် ပတ်ဝန်းကျင်က ဖြစ်စေ၊
အလှူခံပုဂ္ဂိုလ်တို့က ဖြစ်စေ ချီးမွမ်းမှုများလည်း ဆိုလာနိုင်၏။
ကျေးဇူးတင်ပါသည်ဟုလည်း ပြောလာနိုင်၏။ အလှူအတန်း ရက်ရောလိုက်တာ ဟု မိမိ ကြားအောင်
ဖြစ်စေ၊ မကြားတကြား ဖြစ်စေ၊ ကွယ်ရာ၌ဖြစ်စေ ချီးကျူး တတ်ကြသည်။ သို့သော်
ထိုချီးမွမ်းမှု များ စသည်တို့ကိုလည်း
မသာယာ တတ်အောင် လေ့ကျင့်ထားကြပြီး ဖြစ်သည်။ အကယ်၍ သာယာမိလျှင်လည်း
သာယာခြင်း ဟူသည် တဏှာပင် ဖြစ်သည့်အတွက် လိုချင် မက်မော၍ လှူသည့်သဘောမျိုး
ရောက်သွားနိုင်သည်ကို သိသဖြင့် ထိုသာယာမှုကို ချက်ချင်းပင် ဖျောက်ဖျက်၏။
မြင့်မြတ်သူတို့သည် မိမိတို့လုပ်သော
ဒါနလုပ်ငန်းနှင့်ပတ်သက်၍ လုပ်ငန်း၌ မည်သို့မည်သို့လုပ်လျှင် အကောင်းဆုံး
ဖြစ်မည်ကိုကျွမ်းကျင်ကြပါသည်။ ရရှိလာနိုင်သောအကျိုး၌လည်း နားလည်ထားကြပြီး ဖြစ်ပါ
၏။ မည်သည့် အချိန်၌ မည်သည့် ဝတ္ထုကို လှူလျှင် မိမိ ရွေးချယ်ထား
သောပုဂ္ဂိုလ်အတွက်အသင့်လျော်ဆုံး ဖြစ်မည်ကိုလည်း ပိုင်နိုင်ကြပါ၏။ဒါန လုပ်ငန်းနှင့်
ပတ်သက်၍ မည်သို့ သော စိတ်ထားကို ထား၍ မည်သို့ ဦးတည်ချက် ထားရမည်ကိုလည်း စနစ်တကျ သိမြင်ကြပါ၏။
အားလုံး ကျကျနန စီမံနိုင်၏။ ဟာကွက်ဟူ၍ ပြောစရာ မရှိလောက်အောင် လိမ္မာ ကြပါ၏။
မြင့်မြတ်သူတို့ ဒါနပြုကြပြီဆို လျှင်
အားစိုက်မှုအရလည်း သာမန် လူတို့နှင့်မတူ။ စောစော ထရမည်ဆိုလည်း ပြဿနာမရှိ။ နေဝင်
မိုးချုပ်ထိ လုပ်ရမည်ဆိုရင်လည်း လုပ်နိုင်၏။ ပင်ပင်ပန်းပန်း လုပ်ရလျှင်လည်း
ကိစ္စမရှိ။ ဝီရိယ နည်း မှုကြောင့်တော့ မိမိ၏လုပ်ငန်းကို အပျက်မခံ၊အလုပ်မှန်သမျှကို
စိတ်ဝင်တစား လုပ်၏။ ပျင်းပျင်းရိရိ မလုပ်ချင်လုပ်ချင်ဖြင့် လုပ်ခြင်း မျိုးမရှိ။
တက်တက်ြွကြွကဖြင့် ဒါနလုပ်ငန်းကို အားတက်သရော
လုပ်ကိုင်ခြင်း ဖြစ်၏။ မည်သို့သော အခက်အခဲကိုတွေ့သည် ဖြစ်စေ၊ မိမိ၏ဒါနလုပ်ငန်းကို အောင်မြင် ပြီးမြောက်သည်အထိ စွမ်းစွမ်းတမံ
အားထုတ်ကြခြင်းမှာ မြင့်မြတ်သူတို့၏ပုံသဏ္ဌာန်ပင် ဖြစ်ပါ၏။
ဒါနလုပ်ငန်းကို လုပ်ကြရာ တွင်
အခက်အခဲများကိုလည်းတွေ့ နိုင်၏။စော်ကားမော်ကားအပြုအမူ များနှင့်
စကားလုံးများဖြင့်လည်း ပြုမူခံရနိုင်၏။ အပြောအဆို ခံရ နိုင်၏။ မိမိထက်
ရာထူးကြီးသူ၊ အသက်ကြီးသူ စသော အထက် လူကြီးတစ်ဦးဦး၏ မာန်မဲမှုမျိုး ကိုလည်း
ခံရနိုင်၏။ အဆူအငေါက်ကိုလည်း ခံရနိုင်၏။ မိမိက ကောင်းရာ မွန်ရာ ဖြစ်သော ဒါန
လုပ်ငန်းကို လုပ်နေပါသော်လည်း အကဲ့ရဲ့ခံချင် ခံရနိုင်၏။ ရှုံ့ချပြစ်တင် မှုမျိုးလည်း
ကြုံရနိုင်၏။ မည်သို့ပင် ဖြစ်စေ မြင့်မြတ်သူတို့သည် မိမိတို့၏ ဒါနလုပ်ငန်းကို
အထိခိုက်မခံကြ။ ပျက်ပြားမခံကြ။ အားလုံးကို သည်းခံ၍ မိမိ လုပ်စရာရှိသော အလုပ်ကိုသာ
ပြီးမြောက်အောင် လုပ်၏။ သည်းခံသည် ဆိုသော်လည်း အထက်လူကြီးများမို့ မလွှဲ သာ၍
သည်းခံခြင်းမျိုးမဟုတ်။ လူကြီးများမို့ ပြောမကောင်းသဖြင့် အားနာ၍ သည်းခံခြင်းမျိုး
မဟုတ်။ အမှန်အားဖြင့် အပြစ်မမြင်သော
ခွင့်လွှတ် နားလည်ခြင်းမျိုးဖြင့် သည်းခံ၍ မိမိ၏ ဒါနလုပ်ငန်းကို ပြုကြခြင်း
ဖြစ်ပါသည်။
ထို့ပြင် မြင့်မြတ်သူတို့သည် မိမိတို့ ရည်ရွယ်ထားသည့်အတိုင်း လှူ၏။ ပြောထားသည့်အတိုင်း
ဖြစ် အောင် လုပ်၏။ အပြောတစ်မျိုး အလုပ်တစ်မျိုး အဖြစ်မခံကြ။မည်ရွေ့ မည်မျှလှူမည်ဟု
လေကြီး လေကျယ်ပြော၍ တကယ်လှူသောအခါ၌ ပြောသလောက် မလှူဘဲ ဟန်လောက်သာ
လှူခြင်းမျိုးမရှိ။ ဤရွေ့ဤမျှ လှူထားလျှင်လည်း
ဤရွေ့ ဤမျှ လှူထားပါသည်ဟုသာ ဆို၏။ အပိုလည်း မပြော၊ အလိုလည်း မပြော။ မိမိက
အချို့ နေရာ၌ မှားမှားယွင်းယွင်း လုပ်မိသွား၍ တစ်စုံတစ်ဦးက မှားယွင်းကြောင်း
ပြောလာလျှင်လည်း အမှားကို မြတ်နိုးစွာဝန်ခံ၍ အမှန်ကိုပြင်၍ လုပ်နိုင်၏။
ငါသိပါတယ်ဟူသော မာန်ဖြင့်တင်း၍ အမှားကို ဆက်၍ မကျူးလွန်။ မိမိကိုမှားသည်ဟု ပြော
သောကြောင့်လည်း မကျေနပ်ခြင်း မဖြစ်ဘဲ အမှန်ကိုဆိုလျှင် ရဲရဲဝံ့ဝံ့ လက်ခံနိုင်၏။
မိမိပြုသော ဒါန လုပ်ငန်းကို မှန်မှန်ကန်ကန်နှင့် အကျိုးရှိရှိ ဖြစ်စေဖို့ဆိုလျှင်
ကိုယ်က မွေးလျှင် ကိုယ့်သားလောက်သာရှိ သော အရွယ်များက ပြောလာလျှင် လည်း ရိုရိုသေသေ
နာခံမှတ်သား ၏။ မြင့်မြတ်သူများသည် အမှန် တရားကို ဤသို့ချစ်မြတ်နိုး၍ မိမိ၏
ဒါနလုပ်ငန်းကို အကောင်အထည် ဖော်ကြပါ၏။
မြင့်မြတ်သူတို့သည် ဒါန
လုပ်ငန်းကို လုပ်ရာတွင် ခိုင်မာသော စိတ်ဓာတ်ဖြင့် လုပ်ငန်းမပြီးမချင်း
စိတ်ဆုတ်နစ်မှုမျိုးမရှိ။ မည်သည့် အကြောင်းနှင့်မျှ မိမိ၏ဆုံးဖြတ်ချက် ကိုမပြင်။
ပြဿနာမြောက်မြားစွာ နှင့်ကြုံရသော်လည်း အဓိဋ္ဌာန်ကို မဖျက်။ မဖြစ် ဖြစ်အောင်လုပ်၏။
ထိုသို့လုပ်ရာတွင် တရားသော
ဆုံးဖြတ်ချက်မျိုးကိုသာ ချ၏။ မလုပ် ခင်ကလည်း ပြီးမြောက်အောင်လုပ် မည်ဟု
သန္နိဋ္ဌာန်ချထားပြီးဖြစ်၏။ လုပ်ဆဲ၌လည်း ယင်းသန္နိဋ္ဌာန်ကို ပျက်ပြားမသွားအောင်
မိမိ၏စိတ် ကို အစဉ်မြှင့်တင်ခြင်းဖြင့် သတိပေး၏။
ထို့ပြင် မြင့်မြတ်သူတို့သည်
အလှူခံပုဂ္ဂိုလ်အား ချစ်ခင်သော မျက်စိဖြင့်ကြည့်၍ မိမိတို့၏အလှူ ပစ္စည်းကို
လှူကြခြင်းဖြစ်၏။ သူတောင်းစားကိုလည်း မေတ္တာထား နိုင်၏။ရန်သူကိုလည်း မေတ္တာထား ၍
လှူနိုင်၏။ အားလုံးအပေါ် တစ်သားတည်းသော မေတ္တာစိတ်ကို မွေးခြင်းဖြင့် အလှူဒါနကို
ပြု၏။ စော်စော်ကားကားအပြောခံရသော် လည်း မေတ္တာမပျက်သောစိတ်ကို မွေး၏။ မိမိအနေနှင့်
ထိုအလှူခံ တို့၏လိုအပ်မှုကို ဖြည့်ဆည်းလိုက် ရလျှင် ကျေနပ်ဝမ်းသာ၏။ ကဲ့ရဲ့မှု၊
ရှုံ့ချမှု၊ စော်ကားမှုများနှင့်ကြုံရလေ မေတ္တာစိတ်ကို ထက်ထက်သန်သန် ဖြစ်အောင်
ကြိုးပမ်းလေ ဖြစ်၏။
အကယ်၍ အလှူကိုပြုနေစဉ်
တစ်စုံတစ်ဦးကသော်လည်းကောင်း၊ အလှူခံပုဂ္ဂိုလ်ကိုယ်တိုင်ကသော် လည်းကောင်း မိမိအား
စိတ်ကသိ ကအောက် ဖြစ်စေလျှင်လည်း စိတ် ပျက်ခြင်းမရှိ။ အကောင်းအဆိုးကြုံ လာသည့်အပေါ်
တုန်လှုပ်မှု မဖြစ် စေရန် စိတ်ကို ဆောက်တည်၏။ မည်သူ့ထံမှလည်း ဘာမှမျှော်ကိုး ခြင်းမရှိ။
မိမိကို မည်သို့ပင် တိုက်ခိုက်သည် ဖြစ်စေ၊ မြှောက်ပင့်နေသည် ဖြစ်စေ၊ စိတ်ဆိုးခြင်း
မရှိ၊ ဝမ်းမြောက်ခြင်း မရှိဘဲ မိမိ၏ ဒါန လုပ်ငန်းအပြီးသတ်နိုင်ရေးအတွက် သာ
ဇောက်ချလုပ်ကိုင်၏။ စိတ် တစ်ခုလုံးကို လုပ်ငန်းအပေါ်၌သာ နှစ်၍ အခြားဘာကိုမျှ
ဂရုမစိုက်ဘဲ မှန်မှန်ကန်ကန် လုပ်ဆောင်ခြင်း ဖြစ်၏။
မိမိလုပ်သော ဒါနလုပ်ငန်းသည် ဘုရားအစရှိသော
သူတော်စင် တို့လုပ်ကြသည့် အလုပ်မျိုးဖြစ် သဖြင့် တစ်ခုသောကာလတွင် ဘဝ
နိရောဓ၏အထောက်အပံ့ကောင်း ဖြစ်မည်ကိုလည်း သဘောပေါက်၏။ သံသရာချမ်းသာကိုလည်း မမက်မော။
ရခြင်း၊ မရခြင်းကို လည်း စိတ်ဝင်စားခြင်း မရှိ။ လှူချင်၍ လှူခြင်းဖြစ်၏။ သို့သော်
မိမိ ပြုသောဒါန၏ အကျိုးအာနိသင်ကို မိမိရမည်မှာ မုချဖြစ်သည်ကိုလည်း ပညာဖြင့်
မြင်ထားပြီး ဖြစ်သည်။ လောက၌ ဘာတစ်ခုမျှ အမြဲမရှိသည်ကိုလည်း ဥာဏ်ဖြင့် ဆင်ခြင်၏။
နှလုံးသွင်း၏။ တစ်လောကလုံး အတိဒုက္ခ ဖြစ်သည်ကိုလည်း ဥာဏ်ဖြင့် ဆင်ခြင်၏။
နှလုံးသွင်း ၏။ လောကသဘာဝ အားလုံး အနတ္တဖြစ်သည်ကိုလည်း ဥာဏ်ဖြင့် ဆင်ခြင်၏။
နှလုံးသွင်း၏။
မြင့်မြတ်သော သူများသည် ဒါနကို
ပြုရာတွင် မြင့်မြတ်သော ဒါနမျိုးဖြစ်အောင်, အဘက်ဘက်မှ ပြည့်စုံအောင် ဤသို့
ဖန်တီးကြပါ၏။ အတုယူဖွယ်ကောင်းလေစွ။
ဖိုးဥာဏ်(လောကနတ်)
အတိတ်ကံနှင့် ပစ္စုပ္ပန်ကံ ( ဥက္ကလာမြင့်သန်းအောင်)
အတိတ်ကံနှင့်ပစ္စုပ္ပန်ကံ
ဥက္ကလာမြင့်သန်းအောင်
ကံဆိုသည်မှာ ကမ္မ ဟူသော ပါဠိမှဖြစ်လာသော
ဝေါဟာရ ဖြစ် သည်။
(ကမ္မ = ကမ် = ကံ) အလုပ် ဟု
အဓိပ္ပာယ်ရသည်။ ထိုအလုပ် သည် ကိုယ်ဖြင့်လုပ်သည့်အလုပ် (ကာယကံ)၊ နှုတ်ဖြင့် ပြောသည့်
အလုပ်(ဝစီကံ)၊ စိတ်ဖြင့် ကြံစည် သည့်အလုပ်(မနောကံ) ဟူ၍ သုံးမျိုး ရှိသည်။ ထိုအလုပ်
သုံးမျိုးကိုပင် ကံဟု ခေါ်သည်။ ထိုကံများမှာ လှုံ့ဆော်သည့်အကြောင်းတရားမရှိ ဘဲ
အလိုအလျောက် ဖြစ်ပေါ်လာကြသည် မဟုတ်။ စိတ်နှင့် အတူ အမြဲ ယှဉ်တွဲဖြစ်ပေါ်နေသည့် စေတနာ စေတသိက်တရား၏ လှုံ့ဆော်ပေးမှုကြောင့်
ဖြစ်ပေါ်လာ ကြခြင်း ဖြစ်သည်။
စေတနာသည် ကောင်းသည် ဆိုးသည်
အမျိုးမျိုးသော ကိုယ်မှု၊ နှုတ်မှု၊ စိတ်မှုတို့ကိုပြုလုပ်ရာ၌ လိုရင်းပဓာန
အချက်အချာကျသော အကြောင်းတရား ဖြစ်သည်။ မည်သည့် အလုပ်ကိစ္စမဆို စေတနာ မပါလျှင်
မအောင်မြင်နိုင်။ စေတနာ ပါရှိမှသာ ထမြောက် အောင်မြင်နိုင်သည်။ ထိုသို့ ကိုယ်မှု၊
နှုတ်မှု၊ စိတ်မှု ဟူသော ကံတရား မှန်သမျှ စေတနာရှိမှ ဖြစ်ပေါ်လာ ကြရသောကြောင့် -
. . .ရဟန်းတို့၊ စေတနာကို ကံ ဟူ၍
ငါဘုရား ဟောတော်မူ၏။ စေတနာက စေ့ဆော် တိုက်တွန်း သောကြောင့် ကိုယ်မှု၊ နှုတ်မှု၊စိတ်
မှုတို့ကို ပြုရ၏-ဟု အင်္ဂုတ္တိုရ်ပါဠိတော်၌ ဘုရားရှင် ဟောတော်မူခြင်း ဖြစ်သည်။
အမှန်အားဖြင့် ကံဆိုသည်မှာ ကိုယ်မှု၊
နှုတ်မှု၊ စိတ်မှုတို့ကိုပင် ခေါ်သည်။ သို့သော် ထိုကိုယ်မှု၊ နှုတ်မှု၊ စိတ်မှုများသည်
စေတနာကြောင့်သာ ထမြောက် အောင်မြင်ကြရ သောကြောင့် အကျိုးတရားများဖြစ်သော ကိုယ်မှု၊
နှုတ်မှု၊ စိတ်မှုတို့၏ ကံဟူသောနာမည်ကိုအကြောင်းရင်း စေတနာပေါ်တင်စား၍ ဖလူပစာ အားဖြင့်
အကြောင်းရင်း စေတနာ ကိုပင် ကံဟု ဘုရားရှင်ဟောတော်မူခြင်းဖြစ်သည်။ ထို့ကြောင့်
စေတနာထက်လျှင် ကံထက်၏။ စေတနာညံ့လျှင် ကံညံ့ရလေ၏။စင်စစ်အားဖြင့် ကံဆိုသည်မှာ
အကျိုးတရားများကို ဖြစ်ပွား ပေါ်ပေါက်လာစေနိုင်သော အကြောင်းတရားပင် ဖြစ်လေသည်။
လူ့လောက၌ ကံသည် အလွန် အရေးကြီးသည်။ ကံကိုအကြောင်း ပြု၍ အကိရိယဝါဒ ခေါ်
ကံမဲ့ဝါဒ၊ အဟေတုကဝါဒ ခေါ် အကြောင်းမဲ့ ဝါဒ၊ နတ္ထိကဝါဒခေါ် အကျိုးမဲ့ဝါဒ၊ ဣဿရနိမ္မာနဝါဒ ခေါ် ဖန်ဆင်း ဝါဒ၊ ပုဗ္ဗေကတဟေတုဝါဒ
ခေါ် အတိတ်ကံဝါဒ စသော အယူဝါဒ အမျိုးမျိုး ပေါ်ပေါက်လျက် ရှိလေသည်။
ကံနှင့် ကံ၏အကျိုးတရားတို့ ကို
အြွကင်းမဲ့ယုံကြည်ရခြင်းသည် ဗုဒ္ဓဘာသာဝင် ဖြစ်ဖို့ရန် ပထမ ဆုံးအခြေခံအချက်ကြီး
ဖြစ်သည်။ ကောင်းမှုကံ၊ မကောင်းမှုကံ ဟူသည်
ရှိ၏။ ကောင်းမှုကံသည် ကောင်းကျိုးပေးသကဲ့သို့ မကောင်း မှုကံသည် မကောင်းကျိုးပေးသည်
ဟု ယုံကြည်စိတ်ရှိမှသာလျှင် ဗုဒ္ဓ ဘာသာဝင် ဖြစ်နိုင်သည်။ ဤကဲ့ သို့
ကံနှင့်ကံ၏အကျိုးတို့ကို သိမြင် ယုံကြည်ခြင်းမှာ မှန်ကန်သောအယူ အမြင်ဖြစ်သည်ဟု
ဘုရားရှင် ဟောကြားတော်မူ၏။
ပါဠိအားဖြင့် ကမ္မဿကတာ သမ္မာဒိဋ္ဌိဟုခေါ်သည်။
ကံသာလျှင် မိမိကိုယ်ပိုင်ဥစ္စာရှိသည်ဟုယူသော အယူမှန်ဟု အဓိပ္ပာယ်ရ၏။
မြတ်စွာဘုရားသည် သတ္တဝါ တို့တွင်
ကံသာလျှင် ကိုယ်ပိုင်ဥစ္စာ ရှိသည့်အကြောင်းကို တောဒေယျ ပုဏ္ဏား၏သားဖြစ်သူ သုဘလုလင်
အား -
လုလင် . .သတ္တဝါတို့သည် ကံသာ
ကိုယ်ပိုင်ဥစ္စာရှိကြ၏။ ကံက ပေးသော အမွေကို ခံယူကြရ၏။ ကံသာလျှင် ဆင်းရဲကြောင်း
ချမ်းသာ ကြောင်း ဖြစ်၏။ကံသာလျှင် ဆွေမျိုး ဖြစ်၏။ ကံသာလျှင် အားကိုး အားထား
ကိုးကွယ်ရာရှိ၏။ ကံသာလျှင် သတ္တဝါတွေကိုအယုတ်အမြတ် ဖြစ်အောင် ဝေဖန် ဖန်တီးပေး၏။ဟု
ဥပရိပဏ္ဏာသပါဠိတော် စူဠကမ္မ ဝိဘင်္ဂသုတ်၌ ဟောကြားထားပါသည်။
ဤဘုရားဟော တရားတော် တွင် ကံကပေးသော
အမွေကို ခံ ယူကြရ၏။ ကံသာလျှင် အားထား ကိုးကွယ်ရာရှိ၏ ဟူသော အချက် နှစ်ချက်အရ
ရှေးမြန်မာပညာရှင် ကြီးများက ကံကို အမိအဖတို့နှင့် ခိုင်းနှိုင်းလျက် ကံသာအမိ ကံသာ
အဖဟု ဆုံးမလမ်းညွှန်ခဲ့ခြင်း ဖြစ် လေသည်။ သားသမီး ဆိုသူများမှာ မိဘတို့ပေးသော
အမွေကို ခံယူကြရသူများ ဖြစ်၏။ မိဘနှစ်ပါးသာ အားထားကိုးကွယ်ရာ ရှိ၏။ ထို့အတူ
သတ္တဝါတို့မှာလည်း ကံက ပေးသော အမွေကို ခံယူကြရ၍ ကံသာလျှင် အားထားကိုးကွယ်ရာ ရှိကြ၏။ဤသို့
အမွေခံအမွေပေးခြင်း စသည်တို့ တူညီကြသောကြောင့် သတ္တဝါများ နှင့် သားသမီး၊ ကံနှင့်
မိဘနှစ်ပါး တို့ကို နှိုင်းတု၍ ဖော်ပြသောစကားပုံ ကို ဆိုခဲ့ကြခြင်းဖြစ်သည်။
ဗုဒ္ဓဘာသာဝင်တို့သည် မိမိ တို့ကို
အမွေပေးမည့် ကံ၊ မိမိတို့ ကိုးကွယ် အားထားရမည့် ကံ၏ အကြောင်းတို့ကိုနားလည်ထားသင့်ကြလေသည်။
မိမိတို့ လက်ခံ ယုံကြည်ထားသည့်ပုဗ္ဗေကတဟေတု ဒိဋ္ဌိခေါ် အယူမှားသို့ ရောက်သွားနိုင်
သောကြောင့်ဖြစ်၏။
သုဘလုလင်အား ဟောကြား ခဲ့သည့်
ဘုရားရှင်၏ကမ္မဝါဒ၌ ကံ ဆိုသည်မှာ လွန်ခဲ့သောဘဝများက ပြုလုပ်ခဲ့သည့်
အတိတ်ကံများနှင့် ယခု လက်ရှိဘဝ၌ ပြုလုပ်သော ပစ္စုပ္ပန်ကံ နှစ်မျိုးစလုံးပင် ဖြစ်၏။
ဤကံနှစ်မျိုးစလုံးကို အားကိုး
ယုံကြည်မှသာ အယူမှန်သော ကမ္မဿကတာသမ္မာဒိဋ္ဌိ ဖြစ်နိုင် သည်။
အချို့သော ဗုဒ္ဓဘာသာဝင်
ကမ္မဝါဒီပုဂ္ဂိုလ်တို့သည် အတိတ်ကံကို အလွန်အစွဲသန်ကြ၏။ မည်သို့ သောအကြောင်းကိစ္စမဆို
အတိတ်ကံကိုချည်း ပုံချကြသည်။ လက်ရှိ ဘဝ၌ ချမ်းသာမှု၊ ဆင်းရဲမှု၊ ကျန်းမာမှု၊
ရောဂါထူမှု၊ ပညာရှိမှု၊ ပညာမဲ့မှု စသော ဖြစ်ပျက်သမျှ အားလုံးတို့သည် ရှေးဘဝက
ပြုခဲ့သော အတိတ်ကံကြောင့် ဖြစ်ကြသည်ဟု အယူရှိကြသည်။
ထိုသို့သောပုဂ္ဂိုလ်များကား ကံ
နှင့်ပတ်သက်ရာ၌ တစ်ဘက်စွန်း ရောက်သောပုဂ္ဂိုလ်များဖြစ်သည်။ ပစ္စုပ္ပန်အကြောင်းကံကို
လုံးဝပယ်ထား၍ အတိတ်ကံအကြောင်း တစ်ခုကိုသာ လက်ခံ ယုံကြည်သော ကြောင့်
ပစ္စုပ္ပန်အကြောင်း တစ်ဘက်ကိုပယ်သော အယူဝါဒ (ဧကပက္ခဟိနဝါဒ) ရှိသူများ ဖြစ်၏။ ထို
အယူဝါဒရှိသူများသည် ဒိဋ္ဌိကြီး သုံးမျိုးတွင် ပုဗ္ဗေကတဟေတုဒိဋ္ဌိ ခေါ်
မိစ္ဆာဒိဋ္ဌိများဖြစ်ကြောင်းကို တိကအင်္ဂုတ္တိုရ်ပါဠိတော်၊ တိတ္ထာ ယတနသုတ်၌ မြတ်စွာဘုရား
ဟောကြားတော်မူပေသည်။ ပုဗ္ဗေ ကတဟေတုဒိဋ္ဌိ ဆိုသည်မှာ နိဂဏ္ဌတက္ကတွန်းတို့ကဲ့သို့
ဖြစ်ဖြစ်သမျှ ပြုပြုသမျှ ရှေးအတိတ်ကံကြောင့် ချည်း ဖြစ်သည်ဟု မှားယွင်းစွာယူမှု
မျိုးဖြစ်သည်။
ပုဗ္ဗေ = ရှေးအတိတ်ဘဝများက
ကတ = ပြုခဲ့သော
ဟေတု= ကံ ဟူသောအကြောင်းကြောင့်ချည်းဖြစ်သည့်
ဒိဋ္ဌိ = အယူအမြင်
ပုဗ္ဗေကတဟေတုဒိဋ္ဌိ ဖြစ်သူသည် ရှေးကံက
တိုက်တွန်းသော ကြောင့် သတ္တဝါတို့သည် သူတစ်ပါး အသက်ကို သတ်ကြရ၏။ သူတစ်ပါး ဥစ္စာကို
ခိုးယူကြရ၏။ မမြတ်သော မေထုန်အကျင့်ကို ကျင့်ကြရ၏။လိမ်လည်ပြောဆိုကြရ၏။ကြမ်းတမ်း သော
စကားကို ပြောဆိုကြရ၏။ အကျိုးမရှိ ပေါ့ပျက်သော စကားသာ ပြောဆိုကြရ၏။ သူတစ်ပါး
စည်းစိမ်ကို မတရား ကြံစည်ကြရ၏။ညှဉ်းဆဲလိုသောစိတ် ရှိကြရ၏။ လွဲမှားသော အတ္တကို
ယူကြရ၏ဟုတစ်ဘက်စွန်း ရောက်သော အယူကို ယူ၏။
ထိုသို့ယူဆသဖြင့် ပုဗ္ဗေကတ
ဟေတုဒိဋ္ဌိအယူရှိသူများအဖို့ သူတော်ကောင်း ဖြစ်ကြောင်း၊ သူတော်ကောင်းတို့၏ တရားကို
နာကြားခြင်း၊ အသင့်အတင့် နှလုံးသွင်းခြင်း၊ တရားအားလျော်စွာ ကျင့်ခြင်း
စသည်တို့သည် အကျိုး မပွား အလကားတရားတို့သာ ဖြစ်သွားကြ၏။ အကြောင်းမှာ လူလိမ္မာ
သူတော်ကောင်း ဖြစ်ခြင်း နှင့် လူမိုက် လူယုတ်မာ ဖြစ်ခြင်း တို့သည် ရှေးကပြုခဲ့သော
ကံ အကြောင်းတရားများကြောင့်သာ ဖြစ်သည်။အခြား အကြောင်းတစ်ပါး မရှိဟု
ယုံကြည်ထားသောကြောင့် ဖြစ်သည်။
ထို့ပြင် ပုဗ္ဗေကတဟေတုဒိဋ္ဌိဝါဒ ကို
အမြတ်တနိုး အားကိုး ယုံကြည်သော သူတို့အား ပြုသင့် ပြုထိုက် သည့် ကောင်းမှုတို့ကို
ပြုကျင့်ကြမည်။ မပြုသင့် မပြုထိုက်သည့် မကောင်းမှုတို့ကို ရှောင်ကြဉ်ကြမည် ဟူသော
စိတ်ကောင်းဆန္ဒ၊ ဝီရိယတို့ မဖြစ်နိုင်ကြတော့ပေ။အဘယ်ကြောင့် ဆိုသော်
ပြုထိုက်သည်ကိုပြုခြင်း၊ မပြုထိုက်သည်ကို ရှောင်ရှားခြင်း တို့မှာ စိတ်ကောင်း ဆန္ဒ,
ဝီရိယ တို့ကြောင့် ဖြစ်သည် မဟုတ်။ရှေး အတိတ်ကံကြောင့်သာ ဖြစ်သည်ဟု ယုံကြည်ထားသောကြောင့် ဖြစ်သည်။
ဤသို့ ပုဗ္ဗေကတဟေတုအတ္တ ဝါဒ ရှိသူတို့သည်
ပစ္စုပ္ပန်ကံကို လုံးဝမျက်ကွယ်ပြုထားသဖြင့် မျက်မှောက်၌ ကောင်းမှုကိစ္စများကို
ဆောင်ရွက်လိုစိတ်နှင့် ဆောင်ရွက်မှုများမရှိသကဲ့သို့ မကောင်းသော ဒုစရိုက်များကို
ရှောင်ရှားလိုစိတ်နှင့် ရှောင်ရှားမှုတို့မရှိတော့ဘဲ ဖြစ်မှု ပျက်မှု၊ ကောင်းမှုဆိုးမှုအားလုံးတို့မှာ
အတိတ်ကံလက်ချက်ချည်းသာ ဟု အတိတ်ကံကိုချည်း ပုံချနေကြသဖြင့် တစ်ဘက်စွန်းရောက်၍
မှားသောအတ္တဝါဒဖြစ်သည်ဟု ဘုရားရှင် ဟောတော်မူထားလေသည်။
အတိတ်ကံကိုသာ ယုံကြည်၍
ပစ္စုပ္ပန်ကံများကို လုံးဝမျက်ကွယ်ပြုထားမည်ဆိုလျှင် ထိုပုဂ္ဂိုလ်သည် လူ့လောက၌ ကြာရှည်စွာရပ်တည်
နိုင်မည် မဟုတ်ပေ။ အယုတ်ဆုံး အားဖြင့် ထမင်းစားနေစဉ်အခါ၌ပင် ထမင်းလုတ်ကို လက်ဖြင့်
ယူ၍ ခံတွင်းသို့ထည့်ခြင်း အလုပ်ကို လည်း ပစ္စုပ္ပန်ကံဟု ဆိုရသည်။ သွားမှု၊ ရပ်မှု၊
ထိုင်မှု၊ လျောင်းမှု ဟူသော ဣရိယာပုထ် အလုပ်ကြီး သော်လည်း ပစ္စုပ္ပန်ကံ ဖြစ်သည်။ ဣရိယာပုထ်လေးပါးတို့ကို ပြောင်းလဲ
လုပ်ကိုင်သဖြင့် ရရှိသော ကျန်းမာခြင်း စသည့်အကျိုးများကိုလည်း
ပစ္စုပ္ပန်ကံ၏အကျိုးဟုဆိုရ၏ ဟု လယ်တီဆရာတော်ဘုရားကြီး မိန့်ကြားထား၏။
အမှန်စင်စစ် လောက၌ တိုးတက်မှု၊
ဆုတ်ယုတ်မှု၊ ချမ်းသာမှု၊ ဆင်းရဲမှု၊ ကျန်းမာမှု၊ ရောဂါရမှု- စသော ကောင်းကျိုး
ဆိုးပြစ်များ သည် အတိတ်ဘဝက ပြုလုပ်ခဲ့သည့် အတိတ်ကံသက်သက်ချည်း
မဟုတ်၊မျက်မှောက်ဘဝတွင် ဥာဏ် ဦးဆောင်သည့် ကြိုးစားအားထုတ်မှု ဝီရိယကြောင့်
ဖြစ်ပေါ်လာသော ပစ္စုပ္ပန်ကံသည်လည်း အရေးပါသော အကြောင်းအရာတစ်ခု ဖြစ်သည်။
ပုဗ္ဗ ပုညံ၊ ကောင်းမှုကံလျှင်၊ အခံရှိထ၊
ရှေးကမ္မထက်၊ လုံ့လ ပညာ၊ နှစ်ဖြာပင့်ထောက်၊ သမ္မာလှောက်၍၊ မီးတောက်လေကူ၊ ဟူ၏ ပမာ၊
များမကြာခင်၊ ပညာဥစ္စာ၊ ကြီးပွားရာ၏-ဟူသော မန်လည် ဆရာတော်ဘုရားကြီး၏လမ်းညွှန်
ချက်အတိုင်း ရှေးအတိတ်ကံကို မီး တောက် လေကူသည့်သဘောဖြင့် ပစ္စုပ္ပန်ကံက ကူညီမှ
အကျိုးတရား ဖြစ်ပွားပေါ်ပေါက်နိုင်ပေ၏။ ပဝတ္တိ အခါ၌ အတိတ်ကံများမှာ ပစ္စုပ္ပန်
ကံ၏အကူအညီ မရပါက အနည်း ငယ်မျှလောက်သာ အကျိုးပေးနိုင် ၏။များသောအားဖြင့်
လုံးဝအကျိုး မပေးနိုင်တတ်ကြချေ။
ဤအကြောင်းနှင့် ပတ်သက် ၍
မဟာဇနကမင်းသားဇာတ်သည် ထင်ရှားသောသာဓက ဖြစ်သည်။ အလောင်းတော် မဟာဇနက မင်းသားသည် ပင်လယ်သမုဒ္ဒရာ၌ သင်္ဘောပျက်၍ အသက်ဘေးနှင့် ကြုံတွေ့ခဲ့ရ၏။
သို့သော် ခုနစ်ရက် ပတ်လုံး မလျှော့သောလုံ့လဝီရိယ ဖြင့် ကြိုးစားကူးခတ်ခဲ့ရာ မေခလာ
နတ်သမီး ကယ်သဖြင့် အသက် ဘေးမှ လွတ်မြောက်ခဲ့သည့်အပြင် မူလ ရည်မှန်းချက်အတိုင်း
မင်း အဖြစ်ကိုပင် ရရှိခဲ့သည်။
အလောင်းတော် ဇနကနှင့်
အတူပါလာသောသင်္ဘောသားများ ကား ဥာဏ်၊ ဝီရိယတို့ဖြင့် ပစ္စုပ္ပန် ကံကို မပြုကြသဖြင့်
သမုဒ္ဒရာရေ တွင်နစ်လျက် သေပွဲဝင်ကြရသည်။ ဤဇာတ်ဝတ္ထု၌ အလောင်းတော် မဟာဇနကမင်းသည်
အတိတ်ကံကိုချည်း အားကိုးအားထားပြုခဲ့ပါမူ
အခြားသင်္ဘောသားများနည်းတူ ပင်လယ်သမုဒ္ဒရာရေအလျဉ်ကြော ဝယ် နစ်မျော သေဆုံးဖွယ်ရာ ရှိ ၏။ ဥာဏ်၊
ဝီရိယတို့ဖြင့် ပစ္စုပ္ပန်ကံ ကူညီ၍သာ အသက်ဘေးမှလွတ် မြောက်လာရခြင်း ဖြစ်သည်။
ထီးနန်းအုပ်ချုပ် မင်းလုပ်ရခြင်းသည်ကား အတိတ်ကံ၏ကိစ္စဖြစ်သည်။
ပစ္စုပ္ပန်ကံ၏အကူအညီ မပါဘဲ
အတိတ်ကံသက်သက်ကြောင့် ဖြစ်ပေါ်ရသော အကျိုးတရားများကား အပါယ်လေးဘုံ၊ လူ့ဘုံ၊ နတ်ဘုံ၊
ဗြဟ္မာဘုံတို့၌ ပဋိသန္ဓေလေးမျိုးတို့ တွင် တစ်မျိုးမျိုးဖြင့် ပဋိသန္ဓေနေ၍ တိရစ္ဆာန်၊
ပြိတ္တာ၊ အသူရကာယ်၊ ငရဲသားများနှင့် လူ၊ နတ်၊ဗြဟ္မာ သတ္တဝါများ အသီးသီး ဖြစ်လာရ
ခြင်းသည်လည်းကောင်း၊ ထိုသို့ဖြစ် ကြရာ၌လည်း မြင့်မြတ်သောအမျိုး ၌ ဖြစ်ခြင်း၊
ယုတ်ညံ့သောအမျိုး၌ ဖြစ်ခြင်းများသည် လည်းကောင်း၊ ပဋိသန္ဓေတည်နေချိန်မှစ၍ မျက်စိ၊
နား၊ နှာခေါင်း စသည်တို့၏ ပြည့်စုံမှု၊ ချွတ်ယွင်းမှုတို့သည် လည်းကောင်း၊
ပဋိသန္ဓေပညာ၏ ပြည့်စုံမှု၊ ချွတ်ယွင်းမှုတို့သည် လည်းကောင်း၊ ကြွင်းသော အင်္ဂါကြီးငယ်၊
တင့်တယ်သော ရုပ် လက္ခဏာတို့နှင့် ပြည့်စုံမှု၊ မပြည့်စုံမှု စသည်တို့သည် လည်းကောင်း၊
အတိတ်ဘဝက ပြုလုပ်ခဲ့သော ကောင်းမှုကံ မကောင်းမှုကံတို့ကြောင့် ဖြစ်ပေါ်လာသော အကျိုး
တရားများသာ ဖြစ်သည်။
ထို့အပြင် ဇောတိက၊ ဇဋိလ၊ မေဏ္ဍက
စသောသူဌေးတို့မှာ မြေကြီးမှ ပတ္တမြားပြာသာဒ်ထွက်ပေါ် ခြင်း၊ အတောင်ရှစ်ဆယ် ရှိသော
ရွှေတောင်ပေါက်ခြင်း၊ ရတနာခုနစ်ပါးဖြင့်ပြီးသော ဆိတ်ရုပ်ကြီး ပေါ် လာခြင်းတို့သည်
လည်းကောင်း၊ လောသကတိဿမထေရ်အား
ပရိနိဗ္ဗာန်စံသည်အထိ ဆွမ်းဝအောင် ဘုဉ်းမပေးရခြင်း၊ အရှင်မဟာမောဂ္ဂလာန်မထေရ်အား ခိုးသား ငါးရာ သတ်၍
ပရိနိဗ္ဗာန်စံရခြင်း စသော ဝဋ်ကြွေးတို့သည် လည်းကောင်း ရှေးအတိတ်ကံ
သက်သက်ကြောင့်ဖြစ်သော အကျိုးများ ဖြစ်သည်။
သတ္တဝါ တစ်ဦးတစ်ယောက် ပဋိသန္ဓေနေခိုက်မှာ
မိဘတို့ ပိုင်ဆိုင် သော လယ်၊ ယာ၊ မြေ၊ ရွှေ၊ ငွေ၊ ရတနာ စသော ပစ္စည်းတို့ကို
အမွေစားအမွေခံအဖြစ်ရရှိနိုင်ခြင်းသည်လည်း အတိတ်ကံက ပေးသောအကျိုးပင် ဖြစ်၏။
ပစ္စုပ္ပန်ကံ နှင့် တစ်စုံတစ်ရာမျှ မသက်ဆိုင်ချေ။ အချုပ်အားဖြင့် ပဋိသန္ဓေနေသည်နှင့်
တစ်ပြိုင်နက် ထိုက်သင့်သမျှ ရရှိခံစားရသော အကျိုး ဟူသမျှကို အတိတ်ကံ၏အကျိုး ဟု မှတ်ယူရမည်။
သို့ရာတွင် လက်ရှိဘဝ၌ စီးပွား
ဥစ္စာအဖြာဖြာနှင့် ပြည့်စုံခြင်း၊ ပညာတတ်မြောက်ခြင်း၊ အသက် ရှည်ခြင်း၊
အနာရောဂါကင်းခြင်း -စသော အကျိုးတရားများ ဖြစ်လာရခြင်းသည် အတိတ်ကံသက်သက် မဟုတ်ချေ။ လယ်ယာ
ထွန်ယက် စိုက်ပျိုးခြင်း၊ တိရစ္ဆာန်များမွေးမြူ ခြင်း၊
ကုန်စည်ရောင်းဝယ်ဖောက်ကားခြင်း၊ သိပ္ပံပညာ၊ ဝိဇ္ဇာပညာ ရပ်များကို သင်ကြားခြင်း၊
ကိုယ် လက်လှုပ်ရှား ပြုလုပ်ခြင်း၊ မိမိနှင့် သင့်လျော်မည့် အစားအစာများကို
သာမှီဝဲခြင်း၊စားသည့်အခါ၌လည်း
အတိုင်းအရှည်ကြည့်၍ စားခြင်း၊ သင့်လျော်သည့် ဓာတ်စာဆေးဝါးများကိုစားခြင်း၊
ဣရိယာပုထ် မျှတအောင် နေထိုင်ခြင်း - စသော ပစ္စုပ္ပန်ကံ၏အထောက်အကူပြုမှု ကြောင့်
ထိုအကျိုးတရားများ ဖြစ်ပွားလာရခြင်း ဖြစ်သည်။
ထို့အတူ လက်ရှိဘဝ၌ ပျက်စီး ဆုတ်ယုတ်မှု
အမျိုးမျိုးတို့ ဖြစ်ပေါ်လာခြင်းသည်လည်း ပစ္စုပ္ပန် အကုသိုလ်ကံ၏အကူအညီရသောကြောင့်
ဖြစ်ပေါ်လာရခြင်း ဖြစ်၏။ အတိတ်ကံကို ယုံကြည်ပြီး မီးပုံထဲသို့ ခုန်ဆင်းလျှင်
မီးလောင်ခံရမည်။ ကျားပေါသည့်တောထဲသို့သွားလျှင် လည်း ကျားဆွဲခံရမည်သာ ဖြစ်၏။
ထို့ကြောင့် -
ကံဟုမူလ၊ သမ္ဗုဒ္ဓတို့၊ဟောပြ သည်မှာ၊
အရင်းသာရှင့်၊
ဥစ္စာဘောဂ၊ ဇီဝိတနှင့်၊ သုခ ပွားရန်၊
ဤလူ့ထံ၌၊
Óာဏ်ဝီရိယ၊ ပယောဂတည့်၊ ကာလဒေသ၊
ပုဂ္ဂလကို၊
နှိုင်းဆအပ်တုံ၊ ကံကိုယုံ၍၊ မီးပုံ
အတွင်း၊ မဆင်းထိုက်စွာ၊ ကျားရဲရာလည်း၊ ကြမ္မာအကြောင်း၊ မရိုး ကောင်းရှင့်၊
သူဟောင်းရှေးက၊ ဆိုကုန်ကြ၏။
လုံ့လမထူ၊ ဥာဏ်မကူဘဲ၊ အယူတချောင်း၊
ကံတကြောင်းမျှ၊ မကောင်းလည်းကံ၊ ကောင်းလည်း ကံဟု၊
ကံကိုချည်းသာ၊ မကိုးရာဘူး၊ ပညာဥာဏ်ဖြင့်၊
သင့်မသင့်ကို၊
အခွင့်ရှု၍၊ အပြုလုံ့လ၊ ရှိအပ်စွတည်း။ ဟု
မန်လည်ဆရာတော် ဘုရားကြီးက ဆုံးမတော်မူခဲ့ခြင်း ဖြစ်သည်။
ဤသို့ ကံ ဟူသော အရာ၌ အတိတ်ကံ
တစ်မျိုးတည်းကိုသာ မယူဘဲ၊ အတိတ်ကံ၊ပစ္စုပ္ပန်ကံ နှစ်မျိုးလုံးကို ယူခြင်းသည်သာ ဗုဒ္ဓ
ရှင်တော်မြတ်ဘုရား၏ကမ္မဝါဒဖြစ် သည်။
ထို့ကြောင့် ဗုဒ္ဓဘာသာ ကမ္မဝါဒီတို့သည်
လက်ရှိဘဝ၌အတိတ် ပစ္စုပ္ပန် နှစ်တန်သော ကံကို အားကိုး ယုံကြည်မှသာ မဇ္ဈိမ ပဋိပဒါ
လမ်းဖြောင့် လမ်းမှန်သို့ရောက်၍ သမ္မာဒိဋ္ဌိအယူရှိသော ဗုဒ္ဓဘာသာ လူမျိုးအစစ်
ဖြစ်နိုင်ကြပေမည်။ ထိုသို့မဟုတ်ဘဲ ဖြစ်ဖြစ်သမျှ ပြုပြု သမျှမှာ ရှေးဘဝကပြုခဲ့သည့်
ကံကြောင့်သာဟု ယူဆခဲ့ပါလျှင် နိဂဏ္ဌတက္ကတွန်းတို့ယူသော ပုဗ္ဗေကတဟေတုဒိဋ္ဌိသို့
ဝင်ရောက်သွားမည်ကို သတိပြုစရာ ကောင်းလှသည်။
အတိတ်က ပြုခဲ့သည့် ကံများ မှာ
ကောင်းသည်ဖြစ်စေ၊မကောင်း သည်ဖြစ်စေ၊ အတိတ်ကံအတွက် ဆောင်ရွက်ဖွယ်
စိုးစိမျှမရှိတော့ပြီ ဖြစ်၍ အတိတ်ကံကို ပဓာန မပြု၊ လျစ်လျူရှုထားပြီး ယခုလက်ရှိဘဝ၌
ပြုလုပ်၍ရနိုင်သော ပစ္စုပ္ပန်ကံ ကောင်းရန်အတွက်သာ ဥာဏ်နှင့်
ယှဉ်၍ကြိုးစားအားထုတ်ကြရမည် ဖြစ်သတည်း။
ဥက္ကလာမြင့်သန်းအောင်
အထက်တန်းစားစိတ်နှင့်အောက်တန်းစားစိတ် (မုဒိတာ ရွှေစည်မြေ)
အထက်တန်းစားစိတ်နှင့်အောက်တန်းစားစိတ်
မုဒိတာ(ရွှေစည်မြေ)
ရေ၏ ပင်ကိုသဘောသည် ဖြူစင်၏။ သန့်ရှင်း
၏။ ထိုရေအတွင်းသို့ နို့ဆီနို့မှုန့်များ ထည့်လိုက်သော အခါ နို့ရေဖြစ်သွားသည်။
သောက်သုံးသူကို ခွန်အား ဖြစ်စေ၏။ နို့ဆီနို့မှုန့် များလျှင် များသလောက် ခွန်အားကို
ဖြစ်စေနိုင်ပေသည်။ တစ်ဖန် ထိုရေအတွင်း သို့ နို့ဆီနို့မှုန့် မထည့်ဘဲ အဆိပ်ဆီ
အဆိပ်မှုန့်များ ထည့်လိုက်သောအခါ အဆိပ်ရေဖြစ်သွား၏။ သောက် သုံးမိသူကို
ဒုက္ခရောက်စေသည်။ အဆိပ်ဆီ အဆိပ် မှုန့်များလျှင် များသလောက် ဒုက္ခဆိုးကျိုးများရရှိစေ
ပြီး နောက်ဆုံး အသက်ပင် ဆုံးရှုံးစေနိုင်၏။
ဤဥပမာကဲ့သို့ပင် . . .ဆန်းကြယ်သောအရာဟု
အဓိပ္ပာယ်ရသော စိတ်သည် ပင်ကိုသဘောအားဖြင့် ဖြူစင်သန့်ရှင်း၏။ ရေနှင့်တူသော
ထိုစိတ်၏အတွင်းသို့ နို့ဆီ နို့မှုန့်နှင့် တူသော အလောဘ အဒေါသ အမောဟ စသော
ကုသိုလ်စေတသိက်များ ရော ထည့်လိုက်သောအခါ အလောဘစိတ် အဒေါသစိတ် အမောဟစိတ် စသော ကုသိုလ်စိတ်များ
ဖြစ်သွား၏။ ထိုစိတ်တို့ကို လက်ခံမွေးမြူသူတို့သည် လူ နတ် နိဗ္ဗာန်
သုံးတန်သောချမ်းသာကို ရရှိ၏။ ထိုစိတ်တွေ အားကောင်းလျှင် အားကောင်းသလောက်
ကုသိုလ်တွေ များများရစေသည်။ နိဗ္ဗာန်ကို မြန်မြန်ရောက်စေသည်။ ဤစိတ်ကိုပင်
အထက်တန်းစားစိတ်ဟုခေါ်၏။
ရေနှင့်တူသော ထိုစိတ်၏အတွင်းသို့ အဆိပ်ဆီ
အဆိပ်မှုန့်နှင့်တူသော လောဘ, ဒေါသ, မောဟ, မာန စသော အကုသိုလ်စေတသိက်များ ရောထည့်
လိုက်သောအခါ လောဘစိတ်, ဒေါသစိတ်, မောဟစိတ်, မာနစိတ်စသော အကုသိုလ်စိတ်များ ဖြစ်သွား
သည်။ ထိုစိတ်တို့ကို လက်ခံမွေးမြူသူတို့သည် ငရဲ၊ တိရစ္ဆာန်၊ ပြိတ္တာ၊ အသူရကာယ်ဟူသော
အပါယ်လေးပါးသို့ ကျရောက်ရသည်။ ဆင်းရဲဒုက္ခမျိုးစုံ ခံစားကြရသည်။ ထိုစိတ်တွေ
အားကောင်းလျှင် အားကောင်းသလောက် အကုသိုလ်တွေ များများဖြစ်စေသည်။ အဝီစိကို မြန်မြန်ရောက်စေသည်။ ဤစိတ်ကိုပင်
အောက်တန်းစား စိတ်ဟုခေါ်၏။
အထက်တန်းစားစိတ်ကို လက်ခံမွေးမြူသူသည်
ပညာရှိသူတော်ကောင်း ဖြစ်၍ အောက်တန်းစားစိတ် ကို လက်ခံမွေးမြူသူကား ပညာမဲ့ မသူတော်
ဖြစ်၏။ ရေနှင့်မီးကို အတူပေါင်းစည်းပြီးထား၍ မရသကဲ့သို့ သူတော်ကောင်းနှင့်
မသူတော်သည်လည်း ဘယ်လိုမှ ပေါင်းစည်း၍ မရပေ။ ဆန့်ကျင်ဘက်ပြေးနေသော မြားနှစ်စင်းသည်
ကြာလေ ဝေးလေ ဝေးသကဲ့သို့ သူတော်ကောင်းနှင့် မသူတော်သည်လည်း ကြာလေ ဝေးလေ
ဝေးသွားကြတော့သည်။
ကောင်းကင်နှင့် မြေကြီး၊
နေထွက်ရာအရပ်နှင့် နေဝင်ရာအရပ်၊ သမုဒ္ဒရာဤဘက်ကမ်းနှင့် ဟိုဘက်ကမ်း။ဤအရာတွေဝေးကွာတာထက်
သူတော်ကောင်း တရားနှင့် မသူတော်တရား(တစ်နည်း)အထက်တန်း
စားစိတ်နှင့်အောက်တန်းစားစိတ်တို့ ဝေးကွာခြင်းက ပို၍ သာလွန်ပေသည်။ မြင်သာအောင်
ပုံစံပြရသော် နိဗ္ဗာန်ရောက်သွားသော ဗုဒ္ဓဘုရားရှင်နှင့် အဝီစိကျသွားသော
ဒေဝဒတ်တို့ကို ကြည့်၍သိနိုင်ပေသည်။
ဗုဒ္ဓသည် ပါရမီဖြည့်ကျင့်သည့်ကာလတစ်လျှောက်လုံး
အများ၊ သူတစ်ပါးအတွက် စွန့်လွှတ်၊ ပေးဆပ်၊ အနစ်နာခံရင်း အထက်တန်းစားစိတ်ကို မွေးမြူခဲ့၏။
ထိုစိတ်ဓာတ်ဖြင့် တစ်ဆင့်ထက် တစ်ဆင့် မြင့်တက်သွားပြီး နောက်ဆုံး
ဘုရားဖြစ်တော်မူကာ အမြင့်ဆုံး အချမ်းသာဆုံး နိဗ္ဗာန်သို့ ရောက်သွားခဲ့သည်။
ဒေဝဒတ်သည်ကား ဖြစ်ရာဘဝတိုင်း မိမိအတွက်
ရယူသိမ်းပိုက်၏။ ဘယ်သောအခါမှ အနာမခံ၊ အသာစံ ရခြင်းကိုသာ နှစ်သက်သည်။ ဤကား အောက်တန်းစား
စိတ်ဓာတ်၏လက်ချက်ပင်တည်း။ ဤစိတ်ဓာတ်ကပင် ဒေဝဒတ်ကို မသူတော်ဘဝရောက်စေခဲ့သည်။ အဝီစိထိ
ကျစေခဲ့သည်။ ထို့ကြောင့် ဗုဒ္ဓဘုရားရှင်ကို အထက်တန်းစား စိတ်ဓာတ်ပိုင်ရှင်တို့၏ဖခင်ဟု
ဆိုနိုင်သကဲ့သို့ ဒေဝဒတ်ကိုလည်း အောက်တန်းစား စိတ်ဓာတ် ပိုင်ရှင်တို့၏
ရှေ့သွားခေါင်းဆောင်ဟု ဆိုနိုင်ပေသည်။
ဆန့်ကျင်ဘက်ခြေလှမ်းများ
လူတို့သည် အာရုံလမ်းမကြီးပေါ်၌
ကံခြေလှမ်းဖြင့် လျှောက်ကြသူချင်း အတူတူ ဖြစ်သော်လည်း အချင်းချင်းမတူသောအချက်ကား
ရှိ၏။ ယင်းအချက်ကား တူရူဖြစ်၏။
အချို့ကား ငါကောင်းစားရေးသို့
မျက်နှာမူ၍ လျှောက်ကြ၏။ အချို့ကား လောကကောင်းစားရေးသို့ မျက်နှာမူ၍လျှောက်ကြ၏။
လမ်းကတော့ ဒီလမ်း၊ ခြေလှမ်းများကလည်း ဒီခြေလှမ်းများပင်။ သို့ရာတွင် မျက်နှာမူရာ
ဘက်ချင်းကား မတူပါချေ။
တစ်ဦးက တောင်ဘက်သို့မျက်နှာမူလျှင်
အခြား တစ်ဦးက မြောက်ဘက်သို့ မျက်နှာမူသည့်သဖွယ်ဖြစ် ပေ၏ ဟူ၍ ဦးရွှေအောင်က ‘အမြင်များ
ပြောင်းလဲခြင်း’စာအုပ်တွင် ရေးသားထား၏။
လူ့လောကတွင် တချို့က
အသာစံခြင်း၌ ပျော်မွေ့၏။ တချို့က
အနာခံခြင်း၌ ပျော်မွေ့၏။ တချို့ က ရယူခြင်း၌ ကျေနပ်၏။ တချို့က ပေးဆပ်ခြင်း၌
ကျေနပ်၏။ တချို့က လောကကို မိမိအတွက် အသုံးချ၏။ တချို့က မိမိကို လောကအတွက်
အသုံးချ၏။ တချို့က ဘယ်သူသေသေ ငတေမာလျှင် ပြီးရောဟု သဘောထား၏။ တချို့က ငါသေလျှင်
သေပါစေ၊ အများချမ်းသာလျှင် ပြီးရောဟု သဘောထား၏။
ထို့ကြောင့် လျှောက်လှမ်းပုံခြေလှမ်းချင်းတူသော်လည်း
မျက်နှာမူရာ အရပ်မျက်နှာချင်း မတူဟု ဆိုခြင်း ဖြစ်၏။
ဗာရာဏသီပြည်မှ ကုဋေလေးဆယ် ကြွယ်ဝ
ချမ်းသာသော စည်းစိမ်ရှိသူ သူဌေးသားလေးဦးတို့၏ အောက်တန်းစားစိတ်ဓာတ်ကို ရှုပါ။
တစ်နေ့ ထိုသူဌေးသား လေးဦးတို့သည် ငါတို့
ပိုင်ဆိုင်ထားတဲ့ စည်းစိမ်တွေကို ဘယ်လိုအသုံးချကြမလဲ တိုင်ပင်ကြသောအခါ ‘လှူဒါန်း
ပေးကမ်းမယ်၊ လိုအပ်သည့်နေရာတွေမှာ ထောက်ပံ့ကူညီမယ်’ ဤ သို့ တစ်ဦးမှ မပြောဘဲ
မူးရူးပျော်ပါး သောက်စားကြဖို့ ပြောဆိုကြ၏။ နောက်ဆုံးသူဌေးသားကား သူ
တစ်ပါးသားမယားများကို ပစ္စည်းဥစ္စာပေး၍ ပျော်ပါး ကြအံ့ဟု တိုင်ပင်သည်ရှိသော်
ထိုအဆိုကို အားလုံးက သဘောတူလက်ခံလိုက်ကြသည်။
ထိုအချိန်မှစ၍
သူတစ်ပါးတို့၏သမီးပျိုများ၊ လင်ရှိ မယားများကို ပစ္စည်းပေး၍ ပျော်ပါးကြတော့သည်။
ကိုယ် ပျော်ရလျှင် ပြီးရော၊ ပျော်ပါးခံရသူ မိသားစု ဘာပဲဖြစ်ဖြစ် ဂရုမစိုက်ကြ။
ဒူးနှင့်မျက်ရည် သုတ်ရတာတွေ လာမပြောနှင့်။ အိမ်ထောင်ရေးပြိုကွဲ ဒုက္ခရောက်တာတွေ
လာငိုမပြနှင့်။ သူတို့ စိတ်မဝင်စား။ သူတို့ တကယ် စိတ်ဝင်စားသည်ကား ပျော်ဖို့ပါးဖို့။
ဤ စိတ်ဓာတ်ကိုမှ အောက်တန်းစားစိတ်ဟု မပြောလျှင် အဘယ်စိတ်ဓာတ်ကို ပြောဦးမည်နည်း။
အောက်တန်းစား စိတ်သည် အောက်တန်းကျ
သောအကျိုးကိုပေး၏။ အနှစ်နှစ်သောင်းတိုင်တိုင် သူ
တစ်ပါးသားမယားများနှင့်ပျော်ပါးနေခဲ့သော သူဌေး သားလေးဦးသည် ထိုဘဝမှစုတေသည်ရှိသော်
မဟာ အဝီစိငရဲကြီး၌ ဘုရားနှစ်ဆူတို့၏တစ်ခုသောအကြား ကာလပတ်လုံး ခံကြရသည်။
ထိုအဝီစိငရဲမှလွတ်လာ ပြန်သော် မကောင်းမှုကြွံကင်း၏အစွမ်းဖြင့် လောဟ ကုမ္ဘီငရဲအိုး၌
အနှစ်သုံးသောင်းကြာမှ အိုး၏အောက် အပြင်သို့ ရောက်၏။ အနှစ်သုံးသောင်းကြာမှ ငရဲအိုး၏
အထက်မျက်နှာပြင်သို့ ရောက်၏။ ထိုမျက်နှာပြင်သို့ ရောက်သည့်အခါတိုင်း ဒု၊ သ၊ န၊ သော
ဟူ၍ နောင်တကြီးစွာ တစ်ယောက်တစ်မျိုးစီ အော်ဟစ်နေကြတော့သည်။
အထက်တန်းစားစိတ်ဓာတ်ပိုင်ရှင်ကား
မိမိတည်း ဟူသော အကြောင်းကြောင့် သူတစ်ပါးကို ဒုက္ခမဖြစ်စေချင်။ သူတစ်ပါးတွေ
ဆင်းရဲဒုက္ခဖြစ်နေပြီဆိုလျှင်လည်း မိမိကိုယ်ကျိုးကိုစွန့်လွှတ်ဖို့ ဝန်မလေးတတ်ကြပေ။
နောက်ဆုံး မိမိ၏အသက်ကိုပင် စွန့်လွှတ်ရဲကြ၏။
ရွဲထွင်းသမားအိမ်သို့ နေ့စဉ်
ဆွမ်းခြွံကသော တိဿမထေရ်၏အဖြစ်ကို ရှုပါလော့။
ထိုနေ့၌ ကောသလမင်းသည် တစ်ခုသော ပတ္တမြားရတနာကို ရွဲထွင်းသမားအိမ် ပို့စေ၍ ဤ
ပတ္တမြားကို သွေး၍ ထွင်းပြီးလျှင် ပို့လိုက်ရမည်ဟု စေလွှတ်လိုက်၏။ ရွဲထွင်းသမားလည်း
ဟင်းမျိုး အမဲသားကို စဉ်းခုတ်လှီးဖြတ်နေချိန်ဖြစ်သဖြင့် သွေးပေနေသော လက်ဖြင့်သာ
ပတ္တမြားကိုယူ၍ ပခြုပ်၏ အထက်၌ တင်ထားပြီးလျှင် လက်ရေဆေးဖို့ အိမ်ထဲ ဝင်သွား၏။
ထိုအချိန် အိမ်တွင် မွေးစားထားသော ကြိုးကြာငှက်သည် သွေးအနံ့ကြောင့် ပတ္တမြားကို
သားတစ်မှတ်၍ ကောက်မျိုလိုက်၏။ ဤအခြင်းအရာကို အိမ်သို့ရောက်နေသော တိဿမထေရ်က မြင်၏။
ရွဲထွင်းသမား ပြန်ထွက်လာ၍ ပတ္တမြားကို
မမြင် လေသော် “ဘယ်သူယူသနည်း”ဟု မယားကို
လည်းကောင်း၊ သားကိုလည်းကောင်း မေး၏။ အားလုံးက မယူကြကုန်ဟုဆို၏။ ထိုအခါ
ရွဲထွင်းသမား ၏ သံသယက မထေရ်မြတ်အပေါ်ကျရောက်လာ၏။ မထေရ်ကို မေး၏။ မထေရ်မြတ်ကလည်း
ငါမယူဆို၏။ သို့သော် ရွဲထွင်းသမားက မယုံကြည်။ မထေရ်မြတ်ကို အတင်းအကြပ် စွပ်စွဲလေတော့သည်။
ထို့နောက် စစ်မေး၍ မရသည့်အဆုံးတွင် ‘မထေရ်မြတ်ကို နှိပ်စက် ညှဉ်းပန်း၍ မေးအံ့’ဟု
သူ၏ဇနီးဖြစ်သူ အတန်တန် တောင်းပန်သည့်ကြားမှ
မထေရ်မြတ်၏ ဦးခေါင်းကို ကြိုးဖြင့် ရစ်ပတ်၍ ရိုက်နှက်လေသည်။
မထေရ်မြတ်၏ ဦးခေါင်းတော်မှလည်းကောင်း၊
နားရွက်တို့မှလည်းကောင်း သွေးများ ယိုစီးကျလာ၏။ မျက်စိတို့လည်း ပြုတ်ထွက်လုမတတ်
ဖြစ်ကုန်၏။ ပြင်းစွာသော ဆင်းရဲဝေဒနာနှိပ်စက်လျက် မထေရ်မြတ် မြေသို့လဲကျသွား၏။ ဤမျှ
ရိုက်နှက်နှိပ်စက်နေသော်လည်း မထေရ်မြတ်သည် ပတ္တမြားကို ကြိုးကြာ မျိုသည် ဟု လုံးဝ
မပြောပေ။ အဘယ်ကြောင့်နည်း။ ဤသို့ပြောလျှင် ကြိုးကြာ အသတ်ခံရမည် စိုးသောကြောင့်
ဖြစ်သည်။ တစ်နည်း မိမိတည်းဟူသော အကြောင်းကြောင့် သူတစ်ပါးကို ဒုက္ခမရောက်စေလိုသော
အထက်တန်းစားစိတ်ဓာတ်ကြောင့်ဖြစ်သည်။
သို့သော် ကံဆိုးရှာသော ကြိုးကြာက
သွေးအနံ့ ကြောင့် လဲကျနေသော မထေရ်မြတ်အနီး လာလတ် ၍ သွေးကို သောက်၏။ ထိုအခါ
ဒေါသပေါက်ကွဲနေ ဆဲဖြစ်သော ရွဲထွင်းသမားက ကြိုးကြာငှက်ကို ခြေထောက်ဖြင့်
အားကုန်ကန်ကျောက်ပစ်လေသည်။ ထို ဒဏ်ချက်ဖြင့် ကြိုးကြာငှက် သေ၍ ပက်လက်ဖြစ်နေလေသည်။
ထိုအခြင်းအရာကို မြင်ရသော မထေရ်မြတ်က -
“ဒါယကာ၊
ဦးခေါင်း၌ရစ်၍ချည်ထားသောကြိုးကို ငါ့အား ဖြည်ပေးပါ၊ ပြီးတော့ ကြိုးကြာငှက် သေသလော၊
မသေသလော ကြည့်ပေးပါ” ဟု ဆိုလေ၏။ ထိုအခါ ဒေါသပေါက်ကွဲဆဲ ရွဲထွင်းသမားက
“ကြိုးကြာ သေပြီ၊ အရှင်ဘုရားလည်း
ဤကဲ့သို့ သေရလတ္တံ့”ဟု ကြိမ်းမောင်းလေ၏။
ထိုအခါကျမှ မထေရ်မြတ်က -
“ဒါယကာ၊ ဤကြိုးကြာငှက်သည် ပတ္တမြားကို
မျို၏။ ထို့ကြောင့် ဤကြိုးကြာငှက်သည် အကယ်၍ မသေသည် ဖြစ်အံ့၊ ငါသည် သေသော်လည်း သင့်အား
မပြော၊ ကြိုးကြာငှက်သေ၍သာ သင့်အား ပြော၏”ဟု ဆိုလိုက်ရာ ရွဲထွင်းသမားလည်း ကြိုးကြာ
ငှက်သေကောင်၏ဝမ်းကို အလျင်စလို ဖောက်ခွဲကြည့် သည်ရှိသော် ပတ္တမြားကိုမြင်ရ၍
အံ့ဩထိတ်လန့်ခြင်း ဖြစ်ရလေတော့သည်။ မထေရ်၏ခြေရင်း၌ ဝပ်တွား ဆည်းကပ်လျက် -
“အရှင်ဘုရား၊ တပည့်တော်အား သည်းခံတော်မူပါ။
မသိခြင်းကြောင့် တပည့်တော် ပြုမိပါသည် ဘုရား”ဟု ဝမ်းနည်းစိုးရိမ်စွာ လျှောက်လေသည်။
ပညာမဲ့ မသူတော်သည် မိမိ၏ ကြီးမားသော
အပြစ်ကို မမြင်၊ သူတစ်ပါး၏ အပြစ်သေးသေးငယ်ငယ် ကလေးတွေကို ရှာကြံ၍မြင်တတ်သည်။
ပညာရှိ သူတော်ကောင်းသည်ကား ကြီးမားသော သူတစ်ပါး ၏အပြစ်ကို မမြင်၊ မိမိ၏
အပြစ်သေးသေးငယ်ငယ် ကလေးတွေကိုသာ ရှာကြံ၍ မြင်ပြီး ပြုပြင်နေတတ်သည်။
ယခုလည်း ကြည့်ပါ။ တိဿမထေရ်သည် မိမိ အား
ရိုက်နှက်ပုတ်ခတ်ခဲ့သော ရွဲထွင်းသမား၏အပြစ် ကို မမြင်။ ရိုက်နှက်ပုတ်ခတ်ခံရသော
မိမိ၏အပြစ်ကိုသာ မြင်လေသည်။ ထို့ကြောင့် -
“ဒါယကာ၊ သင့်အား အပြစ်မရှိပါ။
အိမ်အတွင်း သို့ ဝင်သော ငါ့အားသာလျှင် ဤအပြစ်သည် ဖြစ်ရ ပေ၏။ ဤနေ့မှစ၍ ငါသည်
သူတစ်ပါးအိမ်အမိုးတွင်း သို့ မဝင်တော့အံ့။ ဤနေ့မှစ၍ ခြေတို့ကို သယ်ပိုး
နိုင်ကုန်သေးသည်ရှိသော် အိမ်တံခါး၌ ရပ်လျက်သာလျှင် ဆွမ်းကို ခံယူတော့အံ့”ဟု
မိန့်တော်မူ၍ ပိဏ္ဍပါတ် ဓုတင် ဆောက်တည်လေသည်။ များမကြာမီ ထို ဒဏ်ချက်ဖြင့်
ပရိနိဗ္ဗာန်ပြုတော်မူလေသည်။
ဤကဲ့သို့ သူတစ်ပါးအပေါ် အပြစ် မမြင်တတ်
သောစိတ်၊ ကိုယ်ကျိုးစွန့် အနစ်နာခံတတ်သောစိတ်၊ စွန့်လွှတ်စွန့်စားရဲသော စိတ်များသည်
အထက်တန်း စားစိတ်များပင် ဖြစ်ပေသည်။
ကိုယ်စိတ်နှစ်ဖြာ
ချမ်းသာကြပါစေ။
မုဒိတာ(ရွှေစည်မြေ)
Subscribe to:
Posts (Atom)