၂၀၁၅ - ဖေဖော်ဝါရီ လထုတ် အပ္ပမာဒ ဓမ္မရသ မဂ္ဂဇင်း အတွဲ ၁၆ အမှတ် (၂) ကို အောက်ပါလင့်မှာ အခမဲ့ဒေါင်းလုပ်ရယူနိုင်ပါပြီ။
http://www.mediafire.com/view/cylco4mo6dc078z/15-12_--Form.pdf
အပ္ပမာဒေါ အမတံ ပဒံ ကုသိုလ်ကောင်းမှုတို့၌ မမေ့မလျော့ခြင်းသည် သေခြင်းကင်းရာ နိဗ္ဗာန်၏အကြောင်း ဖြစ်သည်။
Monday, January 12, 2015
ခန္တီစစ်ရင် ပါရမီဖြစ်မယ် ( ဇနက တောင်ငူ)
ခန္တီစစ်ရင်
ပါရမီဖြစ်မယ်
ဇနက (တောင်ငူ)
ဖထီးအောင်လှ၏
ခြံဝင်းထဲဝင်လိုက်သည်နှင့် အိမ်ကြီးနောက်ဘေးရှိ အဆောင်ကလေးထဲက ထွက် ပေါ်နေသော
ခွေးကြီးတွေရဲ့ အစာလုရင်း မာန်ဖီသံ၊ ခွေးပေါက်စတွေရဲ့ တကိန်ကိန်အော်သံ တွေက ကြု
ဆိုနေပါသည်။ အိမ်အပေါ်ထပ် ဝရံတာမှာလည်း ကြောင်ကြီး ကြောင်ငယ် မိသားစုတစ်သိုက်၏
တညောင်ညောင် အော်ဟစ်အစာ တောင်းသံတွေ ဆူညံလျက်နေ၏။
ဖထီးအောင်လှ ဘယ်ရောက်နေပါလိမ့်ဟု
ကြည့်လိုက်သောအခါ
“ဟို ခွေးပေါက်စ၊ ကိုယ့်နေရာ မှာ မစားဘဲ
သူများပန်းကန်ပြားကို ဝင်လုရသလား၊ နင်က အတော့်ကို ဗိုလ်ကျချင်တယ်။ ကဲ မှတ်ကရော့”ဟုဆိုကာ
လက်ထဲက တုတ်ဖြင့် ခွေးပေါက်စ၏ တင်ပါးကို တစ်ချက် ဆော်၏။ ခွေးပေါက်စလည်း
တကိန်ကိန်အော်ကာ သူ၏ အစာခွက်ရှိရာသို့ ပြေး၏။ ပန်းကန်ပြားကို ခြေဖြင့် နင်း၍
မှောက်နေသော ခွေးပေါက်စကိုလည်း တစ်ချက်ဆော်၍ “နင့် အတွက် ခွဲတမ်းကုန်ပြီ” ဟု
အမိန့်ထုတ်လိုက်၏။ ဤသို့နှယ် ခွေးတစ်အုပ်ကို တုတ်စာလည်းကျွေး၊ အစာလည်း
ကျွေးလိုက်သဖြင့် ခွေးအုပ်စု ငြိမ်လေပြီ။ ဖထီးတာဝန်တော့ မပြီးသေးချေ။
အိမ်ပေါ်က ကြောင်များအတွက် စီမံပြန်သည်။
လုယက်စား သောကြောင်ကြီးများကို တုတ်သံ တဖြန်းဖြန်းပေးကာ ခြောက်လှန့်လိုက်၏။
ကြောင်တွေ စုံ မစုံကို လက်ညှိုးလေး ထိုးကာ ထိုးကာနှင့် ရေတွက်ရင်း “ငါက
ခန္တီပါရမီအတွက် သည်းခံပြုစုသလောက် နင်တို့က အတော့်ကို ဆိုးလွန်းတယ်”ဟု နှုတ်က
အမန်းအမှုတ်လုပ်၊ တုတ်ကိုသိမ်း၊ အစာပုံးကိုချိတ်၊ ခြံတံခါးကို ပိတ်ခဲ့ပြီးနောက်...
“ကဲ ဆရာရေ ထိုင်ဗျ၊တိရစ္ဆာန် လေးတွေကို
မနက်စာကျွေးလို့ ပြီးပါပြီ။ ဥပုသ်နေ့ ဆရာလာမယ်ဆိုလို့ မျှော်နေတာ”
“ခွေးတွေ ကြောင်တွေက များလှချည့်လား
ဖထီးရ”
“ဟုတ်တယ်ဆရာ၊ ဟိုခွေးမ မိနီ၊
ငယ်ငယ်တုန်းက လမ်းဘေးမှာ တွေ့ခဲ့တာ။ သူ့ဘေးမှာ ကား တိုက် ပြီး မရှုမလှသေနေတဲ့ သူ့
အမေ ခွေးအိုမကြီးပေါ့။ မအေသေလေး သနားပါတယ်ဆိုပြီး အိမ်ခေါ်လာတာ။ သူကစပြီး
ပေါက်ဖွားလာတဲ့ မျိုးဆက်သစ် မျိုးဆက်ရင့် မိသားစု ကြီး ဖြစ်လာတာ။ ကြောင်တွေလည်း
ထိုနည်းလည်းကောင်းပါ ဆရာ။ သနားခြင်း သမုဒယနဲ့ ယုယလိုက် တော့
မြင်တဲ့အတိုင်းပါပဲဗျာ။ တိရစ္ဆာန်လေးတွေဆိုပြီး ပစ်စလက်ခတ်မထားပါဘူး။ သူ့အချိန်နဲ့
သူစား၊ ကိုယ့်နေရာမှာကိုယ်စား၊ ကျွေးတာကို လုမစားရဘူး။စည်းကမ်းတကျပါဆရာ။ ဒီလို
သည်းခံ ပြီးလုပ်တော့ ခန္တီပါရမီ ဖြစ်တာပေါ့”
“အလိုဗျာ ဖထီးစည်းကမ်းတွေကို ခွေးတွေ
ကြောင်တွေက နားလည်ကြသလား”
“စည်းကမ်းကို နားလည်သလား၊
မလည်ဘူးလားဆိုတာတော့ မသိပါဘူး။ ခေါ်တဲ့အချိန် မလာလို့ ကတော့ တုတ်ကသူတို့ဆီ
သွားလိုက်တာပဲ}}
“အမလေးဗျာ ဒီအတိုင်းဆိုရင် ဖထီးလုပ်ရပ်က
စည်းကမ်း ပြည့်ဝသော ခန္တီပါရမီဖြစ်နေပြီ”
“သည်းခံရင် ခန္တီပါရမီဖြစ်ရောပေါ့ဆရာ၊
ဟုတ်တယ်မို့လား”
“ဖထီး ခန္တီက ငါထားသလိုနေ၊
ငါကျွေးတဲ့အချိန်စား၊ဘာဘာညာညာ စည်းကမ်းတွေ လိုက်နာမှ သည်းခံ
ကျွေးမွေးစောင့်ရှောက်တာကိုး။ ခွေးသဘာဝ အစာခွက်လုတာနဲ့ တင် တုတ်တဝင့်ဝင့် လုပ်နေတာက
အစားတစ်လုတ်၊ တုတ်တစ်ချက် ဆိုရမလိုဖြစ်နေပြီ။ ခန္တီပါရမီဖြစ်စေချင်ရင် ခြွင်းချက်မထားပါနဲ့။
အရာရာကို သည်းခံရမှာ။ ကိုယ့်ဘက်က မကြည့်ဘဲ လိုအပ်သူဖြစ်စေ၊ အခွင့် အရေးရတုန်း
တောင်းဆိုသူပင်ဖြစ်စေ သူတို့ အလိုဆန္ဒကို သည်းခံ ဖြည့်ဆည်းပေးရမှာ။ အဲဒါမှ ပါရမီ
မြောက်တဲ့ ခန္တီဖြစ်မှာ”
“ဆရာရေ သူတို့ကို ကျွေးမွေး ပြုစုရတာ
ဖထီး မတွန့်တိုပါဘူး။ တစ်နေ့ တစ်သောင်းဆိုတဲ့ ငွေက ဖထီးအတွက် လက်ဖက်ရည်ဆိုင်
ထိုင်တာ၊ ကွမ်းစား၊ ဆေးသောက် ကျပျောက်သလောက်ပဲ ရှိပါတယ်။ ဒါပေမဲ့ ဖထီးက စည်းကမ်းသမား
ဆိုတော့ သူတို့တစ်တွေ ကျန်းမာအောင်၊ သန့်ရှင်းအောင် လိုအပ်သလို စည်းကမ်းလေးတွေနဲ့
ထိန်းတာပါ”
“ဟုတ်ပါပြီ၊ စည်းကမ်းရှိတာ ကောင်းပါတယ်။
လက်တွေ့မှာ တိရစ္ဆာန်မဆိုထားနဲ့ လူတွေတောင် ကိုယ့်လိုဘ ကိုယ့်ဆန္ဒကိုပဲ ရှေ့တန်း
တင်နေကြတာဗျ။ လူတွေရဲ့ အလို ဆန္ဒဆိုတာကလည်း ဖြည့်ပေးလို့
ပြည့်ရိုးထုံးစံမဟုတ်ပါဘူး။ အဲဒါ ကြောင့် ငါ့စည်းကမ်းကို လိုက်နာရ မယ်၊ ဘယ်လိုနေ
ဘယ်လိုစားမှ လှူမယ်လို့ နှလုံးမသွင်းရပါဘူး။ တချို့ဆိုရင် ဒုက္ခသည် အထောက်
အပံ့ခွဲတမ်းကို အိမ်ရှိလူကုန် တန်း စီတိုး အရယူပြီး ပြန်ရောင်းကြတာ။ ဒီလိုဆို
မလှူပါဘူးလုပ်လို့ မရဘူး။ ဒါနပါရမီ ခန္တီပါရမီမြောက်အောင် လှူချင်ပါတယ်ဆိုရင်
ခြွင်းချက်တွေ မပါပါစေနဲ့။ ကိုယ့်ဘက်က ကြိုတင် စည်းကမ်းကန့်သတ်ချက်တွေ ဖယ် လိုက်ပါ
ဖထီးရေ့”
“ဒါဆိုလည်း လုပ်မယ့်လုပ်ရင် ပါရမီမြောက်တဲ့
ခန္တီကုသိုလ်ပဲ လုပ်ချင်ပါတယ်။ နည်းလမ်းလေးပြပါဦး ဆရာ”
“အေးဗျာ ခန္တီပါရမီဖြည့်ရမယ့် နည်းက
မြတ်ဗုဒ္ဓကျင့်တဲ့ လမ်းကြောင်းအတိုင်း လိုက်ပြီး လုပ်ရမှာ ပေါ့ ဖထီးရ”
“ဟုတ်ပါ့မလားဆရာ၊ ဘုရား လုပ်ခဲ့သလို
လုပ်ရင် ပြောစရာ ဆိုစရာများဖြစ်နေမလား”
“အဲဒါခက်နေတာ။ ဘုရားဆု ပန်တဲ့သူမှပဲ
ပါရမီဆယ်ပါးဖြည့်ရတော့မလို၊ အရိမေတ္တေယျဘုရားရဲ့ လက်ယာတော်ရံဆုကြီးပန် ပုဂ္ဂိုလ်မှပဲ
ပါရမီအလုပ်ကို လုပ်ရတော့မလို ယူဆပြောဆိုတာကိုက နှလုံးသွင်း မှားနေပါတယ်။
ပါရမီဆယ်ပါး အလုပ်ဟာ မြတ်ဗုဒ္ဓညွှန်ပြထားတဲ့ ဓမ္မလမ်းစဉ်ပါ ဖထီးရ၊ ဓမ္မကို
လူတိုင်းကျင့်သုံးနိုင်ပါတယ်။ သာမန် စားသောက်ဖွယ်ရာ၊ အဝတ်အထည် တွေကအစ
ပစ္စည်းဥစ္စာများစွာ၊ ရာထူးအာဏာတွေပါမကျန် ရေပြည့်အိုးကို သွန်မှောက်သလို လှူဒါန်း
ရင် ဓနပရိစ္စာဂအလှူ၊ သားသမီး တွေပါ စွန့်လှူရင် ပုတ္တပရိစ္စာဂအလှူ၊ ချစ်ဇနီးကိုပါ
လှူလိုက်ရင်တော့ ဘရိယပရိစ္စာဂ အလှူဖြစ်မယ်။ ဒီဒါနအလှူအားလုံးက ဒါန
မူလပါရမီပဲရှိသေးတယ်။ ဖထီး
ပိုင်တဲ့ ခြေ၊လက်၊နှလုံး၊ကျောက်ကပ်၊ မျက်ကြည်လွှာတွေ ထုတ်လှူရင်
အင်္ဂပရိစ္စာဂအလှူဖြစ်လို့ ဒါနဥပ ပါရမီဖြစ်ပြီး ဒီထက်မက ဖထီး အသက်ပါ ပေးလှူရင် ဇီဝိတ
ပရိစ္စာဂအလှူ အင်္ဂါရပ်နဲ့ကိုက်ညီလို့ ဒါနပရမတ္ထပါရမီ ကုသိုလ်ထူးကို
ဆည်းပူးလိုက်ရပြီလို့ မှတ်ယူပါ ဖထီးရေ။ ဒီခေတ်မှာ သွေး၊ နှလုံး ကျောက်ကပ်၊
မျက်ကြည်လွှာဆိုတာ အလှူခံပုဂ္ဂိုလ်မရှားသလို လှူသူတွေလည်း ရှိပါတယ်။ ရောင်းစား
တာမဟုတ်ဘဲ နိဗ္ဗာန်ကို ရည်မှန်းပြီး လွတ်လွတ်ကျွတ်ကျွတ်
လှူဒါန်းတာမျိုးဖြစ်ဖို့တော့ လိုအပ်ပါတယ်”
“ဟုတ်ပါပြီ ဆရာ၊ ဖထီးတို့က ဘယ်လောက်အထိ
ကျင့်ဖို့လိုအပ်ပါသလဲ၊ တိရစ္ဆာန်လေး တွေကို ကျွေး မွေးစောင့်ရှောက်ရင်း ဒါနပါရမီလေး
ပျိုးထောင်တာပါလို့ စပ်မိလို့ ပြောတဲ့အခါ တန်ရာတန်ရာ မပြောဘူးလို့
မေးငေါ့ကြတယ်ဆရာ”
“မသိလို့ ဖြစ်ပါလိမ့်မယ်။
တစ်ခေတ်တစ်ခါကဆိုရင်လည်း သောတာပန်ဆိုတဲ့
စကားလုံးကို တောင် မရေးရဲ မပြောရဲတဲ့ အဖြစ်မျိုးဗျ။ ကျင့်ရမယ့် ဓမ္မနဲ့
ပုဂ္ဂိုလ်နဲ့ကို ကွဲကွဲပြားပြား ခွဲခြားပြီး မသိကြ တာပါ။ ဖထီးစွမ်းအားရှိသလောက်
ကျင့်နိုင်ပါတယ်။ သူတစ်ပါးရဲ့ အပြောမှာတင် အသိဥာဏ် ရပ်မနေ ပါနဲ့။
မြတ်ဗုဒ္ဓဟာ ပါရမီဆယ်ပါး ဓမ္မလမ်းကြောင်းကို
ဘုရားဖြစ်မှ ဖြည့် ကျင့်တာမဟုတ်ပါဘူး။ ပုထုဇဉ်ဘဝ တွေမှာ ဖြည့်ကျင့်ခဲ့တာပါ။ ဓမ္မကို
ကျင့်ကြံဖို့ ပါရမီဆယ်ပါးကို ဖြည့်ဆည်းဖို့အတွက် သူဌေး၊ ရှင်ဘုရင် ဖြစ်ရမယ်။ ဘယ်ပါရမီကိုတော့
ဘုရားဆုပန်ပုဂ္ဂိုလ်ဖြည့်ရမယ်လို့ ပုဂ္ဂိုလ်ခွဲခြား မထားပါဘူး။ ပါရမီဆယ် ပါး၊
မူလပါရမီ၊ ဥပပါရမီ၊ ပရမတ္ထ ပါရမီဆိုပြီး ဓမ္မလှေကားထောင်ပြ ထားတာပါ။ အစွမ်းအစရှိတဲ့
ပုဂ္ဂိုလ်တိုင်း တက်နိုင်ပါတယ်။ ဖြည့်ဆည်းနိုင်ပါတယ်။
အဲဒါကြောင့် ဘုရားအလောင်း တွေလို အသက်ကို
စွန့်လှူတဲ့ ပရမတ္ထပါရမီမျိုး မမြောက်သည့်တိုင်အောင် စားဝတ်နေရေးအထောက်
အပံ့ဒါနအလှူ၊ ကိုယ်ပိုင်ကိုယ်ဆိုင် ဖြစ်တဲ့ အများလည်း လက်တွေ့ လှူနေကြတဲ့
သွေးအလှူ၊ ကျောက်ကပ် အလှူ၊ နှလုံး၊ မျက်ကြည်လွှာ အစ ရှိတဲ့ ကိုယ်အင်္ဂါအလှူတွေကို
အခွင့်သာလို့ လှူဒါန်းတဲ့အခါ ဒါနမူလ ပါရမီ၊ ဒါနဥပပါရမီမြောက်အောင် နိဗ္ဗာန်ကို
ရည်မှန်းပြီးလှူဖို့သာ လိုပါတယ်}}
“ဒီလိုဆိုတော့လည်း ပါရမီ အလုပ်က
အားရစရာကြီး။ ဖထီး လုပ်နေတဲ့ ခန္တီပါရမီကိုလည်း စိစစ်ပြပါဦးဆရာ၊ သဒ္ဓါတရားတွေ
ထက်သန်လာလို့ပါ”
“ခန္တီက အဓိပ္ပာယ် အလွန် ကျယ်ပြန့်ပါတယ်။
အရာဌာနကို လိုက်ပြီး ဖွင့်ဆိုထားတဲ့ အဓိပ္ပာယ် တွေလည်း အများအပြားပါပဲ။ ပါရမီ
ဆယ်ပါးဖြည့်ကျင့်ရာမှာ ဖထီးလုပ် နေတဲ့ ခန္တီပါရမီက အဓိက ခေါင်း ကိုင်ပါရမီလို့
မှတ်ယူပါ။ သည်းခံမှု ခန္တီသာမပါရင် ဒါနလည်း မမြောက်၊ သီလလည်း မထိန်းနိုင်၊ ဝီရိယတွေ
လည်း ပျက်ပြားပြီး ပါရမီကျင့်စဉ် တစ်ခုလုံး လမ်းဆုံးမရောက်ဘဲ ပျက်
စီးသွားနိုင်တယ်။
အဲဒါကြောင့် အဘိဓမ္မာဆရာ ကြီးဦးကျော်ထွတ်က
ခန္တီရဲ့အဓိပ္ပာယ်ကို အရာရာမှာ ပညာနဲ့ဆင်ခြင်ပြီး သည်းခံခြင်းလို့ ဖွင့်ဆိုပါတယ်။
ဆရာကြီးရည်ညွှန်းတဲ့ အရာရာဆို တာ ဗဟိဒ္ဓပြင်ပကိစ္စတွေကို သည်းခံခြင်း၊ တိတိက္ခခန္တီနဲ့
အဇ္ဈတ္တိက အတွင်းကိစ္စတွေကို သည်းခံခြင်း အဓိဝါသနခန္တီတွေပဲဖြစ်ပါတယ်။
အရာရာကိုသည်းခံပြီး ဆောင်ရွက်ရင် ပါရမီဆယ်ပါးဖြည့်ကျင့်တဲ့ အလုပ် အောင်မြင်ပါတယ်”
“ဖထီးစွမ်းအား ရှိသလောက် ပြုစုနေတဲ့
ဒါန၊ သီလ၊ ဘာဝနာ ကုသိုလ်တွေမှာ ခန္တီပါတယ်ပေါ့”
“ပါ ပါတယ်ဗျာ၊ စားဖွယ် သောက်ဖွယ်
အာဟာရဒါနလေး လုပ်နိုင်ဖို့အတွက် အသုံးစရိတ်ကို ချွေတာရတယ်။ တစ်နေ့သုံးကြိမ်
လက်ဖက်ရည်ဆိုင်ထိုင်တာ လျှော့ပြီး တစ်ကြိမ်ပဲထိုင်တော့ နှစ်ထောင်
လောက်ပိုလာတယ်မဟုတ်လား”
“ဟုတ်လိုက်လေ ဆရာ၊ ကိုယ်
ကြိုက်လှချည့်ဆိုတဲ့ လက်ဖက်ရည်ကို သည်းခံပြီး နှစ်ခွက်စာလျှော့၊
တစ်ခွက်ပဲသောက်တာရယ်၊ တခြား စရိတ်တွေ လျှော့တာရယ်ကြောင့် ခုလို ဒါနလေးတွေ
လုပ်နိုင်တာပါ”
“သီလ စောင့်ထိန်းရာမှာလည်း သည်းခံခြင်း
ခန္တီလိုအပ်တယ်။ လက်ဖက်ရည်တစ်ခွက်၊ ထမင်းတစ်နပ်စာအတွက် ဆာလောင်မှုကို သည်းခံပြီး
မစားဘဲ နေမှ ဝိကာလဘောဇနာသိက္ခာပုဒ်ကို လုံခြုံအောင် စောင့်နိုင်ပါတယ်။ တီဗီရှေ့မှာ
ထိုင်ပြီး၊ လိုင်းပေါင်းစုံက လွှင့်သမျှ အစီအစဉ်တွေကို မျက်စိအရသာ၊ နားအရသာခံပြီး ကြည့်မနေဘဲ
သည်းခံရှောင်ရှားနိုင်မှ နစ္စ၊ ဂီတ၊ ဝါဒိတသိက္ခာပုဒ်တွေ ကို လုံခြုံအောင်
ထိန်းနိုင်မှာပါ။ ဖထီး ရေ့ အဲဒါကြောင့် ဒါနသီလ ဘာပဲပြုပြု ခန္တီဆိုတဲ့သည်းခံမှုနဲ့
မလုပ် ရင် မအောင်မြင်နိုင်ပါဘူး။ သည်းခံခြင်းခန္တီပါရမီနဲ့ တွဲဖက်ပြီး ဆောင်ရွက်ရင်တော့
လောကီအကျိုးစီးပွားလည်း အောင်မြင်၊ လောကုတ္တရာ လမ်းကြောင်းအတွက် ပါရမီကုသိုလ်လည်း
စုမိပြီပေါ့”
“ကိုယ်လုပ်နေတဲ့ အလုပ်၊ ပါရမီမြောက်တယ်ဆိုတာသိရတော့
ဝမ်းသာတယ်။ လုပ်ရတာလည်းအား ရှိတယ်ဆရာရဲ့။ ဖထီး အာစိဏ္ဏကံ မြောက်အောင် ဝိပဿနာရှုမှတ်တာလည်း
ခန္တီက အဓိကဖြစ်ရမှာ ပေါ့နော်”
“သည်းခံမှု အလိုအပ်ဆုံး အလုပ်ပါပဲဗျာ။
ခန္ဓာအရှိ ဖြစ်ပျက်ကို ဥာဏ်နဲ့မြင်ဖို့အတွက် ခန္ဓာကိုယ်ထဲက ဖောက်ပြန်မှုတွေကို
စောင့်ကြည့်တဲ့အခါ ပူမှုအေးမှု၊ တောင့်တင်း ကိုက်ခဲချွေးတွေ ရွှဲလာတဲ့အခါ ငါပဲ
သူပဲဆိုတဲ့ အစွဲတွေပြုတ်၊ ရူပကာယ အစုအဖွဲ့ဟာ ဓာတ်လေးပါး အစုအဝေး သက်သက်ပဲလို့
ဥာဏ်မှာမြင်ရင် သက္ကာယဒိဋ္ဌိပြုတ်ပြီ၊ နာကျင် ပူအေး ဝေဒနာအစုအဝေးလည်း ပေါ်ချည်း
ပျောက်ချည်းဖြစ်နေတာကို ဥာဏ်နဲ့စိစစ်ကြည့်တော့ ဖြစ်လာတာ၊ ပေါ်လာတာကိုမြင်ရင်
ဥစ္ဆေဒဒိဋ္ဌိ ပြုတ်ပြီ၊ ပျက်သွားတာ ဝေဒနာတွေ လျှော့ပါးသွားတာကို မြင်ရင် သဿတဒိဋ္ဌိ
ပြုတ်ပြီ။
အဲဒါကြောင့် ဥာဏ်အမြင်မှာ
ဒိဋ္ဌိကွာဖို့အတွက် ကိုယ့်ခန္ဓာကပြတဲ့ ကိုယ့်ဝေဒနာကို သည်းခံပြီး စောင့် ကြည့်ဖို့
လိုအပ်ပါတယ်။ သူတစ်ပါး ခန္ဓာအပြနဲ့ သူတစ်ပါး အပြောအဟောကို နာယူရုံနဲ့တော့ ဒိဋ္ဌိလည်း
မကွာနိုင်သလို၊ ဝိပဿနာလည်း မဖြစ်ပါဘူး။ ကိုယ့်ခန္ဓာက ပြတာကိုပဲ သည်းခံပြီး
စောင့်ကြည့်ပါလို့ မှာပါရစေ”
“ကျေးဇူးပါပဲဆရာ၊ ဒါန သီလ ဝိပဿနာ
ဘာဝနာအလုပ်ကို ခန္တီပါရမီနဲ့တွဲပြီး ရဲရဲဝံ့ဝံ့ လုပ်နိုင်ပါပြီ”
“သာဓုပါ ဖထီးရေ၊ ဒီနေ့က စပြီး ဒါန၊သီလ၊
ဝိပဿနာကုသိုလ်ထူးတွေကိုလုပ်တဲ့အခါ အသက်ကိုပါ စွန့်တဲ့ ပရမတ္ထပါရမီအဆင့်မျိုး
မလုပ်နိုင်သော်လည်း ဒါနပြုတဲ့အခါ ဘယ်လိုပုဂ္ဂိုလ်၊ ဘယ်လို ပရဟိတ လုပ်မှ၊ ဘယ်လို
လေးလှူရမှဆိုတဲ့ စည်းကမ်းတွေ ကြိုတင်မသတ်မှတ်ပါနဲ့။ ဘယ်လိုနေ ဘယ်လိုစားရမှ
သည်းခံပြီး သီလစောင့်မယ် မလုပ်ပါ နဲ့။ြွခင်းချက်မပါတဲ့ ခန္တီပါရမီနဲ့တွဲပြီး
ဒါနမူလပါရမီ၊ ဒါနဥပပါရမီ၊ သီလ မူလပါရမီ၊ သီလဥပပါရမီမြောက်အောင် နိဗ္ဗာန်ကိုသာ
ရည်မှန်းပြီး လုပ်ပါ။ ပါရမီဆယ်ပါးရဲ့ အညှာ ခန္တီစစ်ရင် လုပ်သမျှကုသိုလ်တွေ
ပါရမီ ဖြစ်ပါတယ် ဖထီးရေ့၊
ကြိုးစားလိုက်စမ်းပါ”
“ဟုတ်ကဲ့ပါ ဆရာ၊ ဆရာမပြ နည်းမရဖြစ်နေတာ၊
ပါရမီဆယ်ပါးလို့ ကြားရင်ပဲ ပြောရလုပ်ရမှာကို မဝံ့မရဲဖြစ်ဖြစ်သွားတယ်။ ငါလုပ်နေတဲ့
သတိပဋ္ဌာန်အလုပ်ပဲ ရပ်လိုက်ရ တော့မလိုလို တွေးမိပါတယ်။ ခုတော့ ဥာဏ်ပွင့်ပါပြီ။
ကိုယ်လုပ်နေကြ ဒါန သီလ ဘာဝနာစတဲ့ ကုသိုလ်အလုပ်ကို ရပ်စရာမလို၊ ပြောင်းစရာမလိုဘဲ
ကိုယ်ကျိုးစီးပွားကို ဖယ်ရှား အများအတွက်ကို ရည်ရွယ်ချက် ထား၊ နိဗ္ဗာန်ကိုသာ ရည်မှန်းပြီး
လုပ်လိုက်ရုံနဲ့ ပါရမီကုသိုလ်မြောက်သွားတာ သဘောပေါက်ပါပြီ”
“ကောင်းလိုက်တဲ့ နှလုံးသွ်း ဗျာ၊ ဖထီး
တကယ်လုပ်ကြည့်တော့ ဓမ္မအလုပ်က ဆွဲဆောင်သွားမှာပါ။ ဖထီးတို့ ကျွန်တော်တို့မှာ ဘဝများစွာက
ပါရမီမျိုးစေ့ပါသည်ဖြစ်စေ၊ မပါခဲ့သည်ဖြစ်စေ ကိစ္စမရှိပါဘူးဗျာ။ ယခုဘဝ သာသနာတွင်းကုသိုလ်ထူးတွေ
ပြုခွင့်ရတဲ့အချိန်မှာ ပါရမီ မျိုးစေ့ကို မဖြစ်မနေချရမှာပါ။သံသရာခရီးကို လျှောက်၊
နိဗ္ဗာန်ကို ဆိုက်ရောက်ဖို့အတွက် ပါရမီ ကုသိုလ်ကသာ အားကိုးရပါတယ်။
ပါရမီကုသိုလ်စုံညီဖို့ကလည်း ခန္တီဆိုတဲ့
အညှာပါရမီကိုသာ အမိ အရဆွဲရင် ပါရမီဆယ်ပါး တစ်တွဲလုံး ပါပါတယ်။ အဲဒါကြောင့် မိမိတို့
နေ့စဉ် ပြုလုပ်နေကြ ဘုရား ဆွမ်းတော်လှူ၊ ပန်းလှူ၊ သံဃာ တော်တွေ ဆွမ်းလောင်းတာကအစ
ဒါန၊ သီလ၊ ဘာဝနာအလုပ်တွေ အားလုံး ပါရမီကုသိုဘ် ဖြစ်စေဖို့ အတွက် ငါကောင်းစားရေးဝါဒ
တဏှာ မာနဒိဋ္ဌိနဲ့ မလုပ်မိအောင် သည်းခံ၊ နိဗ္ဗာန်ကိုသာရည်မှန်းပြီး ပြုလုပ်ဖို့လိုကြောင်းကို
ကျေးဇူးတော်ရှင် မင်းကွန်းဆရာတော်ဘုရားကြီးက တိုက်တွန်းနှိုးဆော်ခဲ့ပါ ကြောင်း
အသိပေးရင်း နိဂုံးချုပ်ပါရစေ}}
“ကျေးဇူးကမ္ဘာ၊ ကျေးဇူး အနန္တပါ ဆရာရေ”
ပါရမီ
ကုသိုလ်၊ ဖြစ်စေလို နိဗ္ဗာန်ကိုသာ ဆုပန်ပါ။
ဇနက
(တောင်ငူ)
အရေးကြီးသည့် ဓမ္မာဓိပတိ ( ရွှေအိုး)
အရေးကြီးသည့်
ဓမ္မာဓိပတိ
ရွှေအိုး
လူ့လောကအတွင်းသို့
လူအဖြစ် ရောက်ရှိလာခဲ့ပြီးနောက် အရွယ်ရောက်လာတဲ့အခါ ဘဝ တစ်သက်တာ
အသက်မွေးဝမ်းကျောင်း ပြုနိုင်ဖို့ရာအတွက် အလုပ်အကိုင်တစ်ခုမဟုတ်တစ်ခု
လုပ်ကြရတော့မှာပါ။ အလုပ်လုပ်ကြတဲ့အခါ လောကကြီးကို မိမိတစ်ဦး တစ်ယောက်တည်းအတွက်
(ငါ့ အတွက်)သာ အသုံးချမယ်ဆိုတဲ့ ရည်ရွယ်ချက်နဲ့ လုပ်ငန်းများကို
လုပ်ကိုင်မယ်ဆိုရင် အဲဒီလုပ်ငန်း ပေါ်မှာ ငါ့အတွက်ဆိုတဲ့ နှလုံးသွင်းမှုဟာ
ထာဝရလွှမ်းမိုးသွားတော့မှာ ဖြစ်ပါတယ်။ အဆိုပါ ငါဆိုတဲ့ ခံယူချက်
လွှမ်းမိုးနေတာနဲ့အမျှ လောက အပေါ်မှာ လေးစားတဲ့စိတ်တွေဟာ ဘယ်လိုနည်းနှင့်မျှ
ရှိလာနိုင်တော့မှာ မဟုတ်ပါဘူး။ ထူးခြားတာက အဆိုပါ ပုဂ္ဂိုလ်မျိုးဟာ လောကပါလ
လို့ခေါ်တဲ့ လောကကြီးကို ဖရိုဖရဲ ဖြစ်မသွားအောင် စောင့်ရှောက်တတ် တဲ့ ဟိရီနဲ့
ဩတ္တပ္ပတရားနှစ်ပါးကို လည်း အလေးမထားတော့ဘဲ သူ လုပ်ချင်ရာကို ဘာမဆို လုပ်မှာဖြစ်သလို
ဓမ္မ၊ အဓမ္မဆိုတာကို မတွေး သူ့လုပ်ငန်းအောင်မြင်ရေးကိုသာ အဓိကထားတော့မှာ ဖြစ်ပါတယ်။
ဒါကြောင့် ဗုဒ္ဓဘုရားရှင်က လုပ်သမျှသော
မိမိတို့လုပ်ငန်းများ အပေါ်မှာ ထားရှိရမယ့် သဘော ထား (၃)မျိုးကို
သွန်သင်ညွှန်ပြတော်မူခဲ့ပါတယ်။
ပထမ သဘောထားကတော့ မိမိရဲ့
ဘဝတစ်လျှောက်လုံး ထိန်းသိမ်း စောင့်ရှောက်လာတဲ့
ဂုဏ်သိက္ခာတွေနဲ့ မိမိရဲ့ မျိုးရိုး စဉ်ဆက် ဂုဏ်သိက္ခာတွေကို လေးစားတဲ့
သဘောထားနဲ့သာ လုပ်ငန်း များကို လုပ်ကိုင်သွားစေဖို့ ဖြစ်ပါတယ်။ အဆိုပါ သဘောထားကို
ပါဠိတော်မှာ အတ္တာဓိပတိလို့ ဖော်ပြပါရှိပါတယ်။ မိမိကိုယ်ကို လေးစားတဲ့
သဘောထားဖြစ်ပါ တယ်။
ဒုတိယ သဘောထားကတော့ ပါဠိတော်လာအရ
လောကာဓိပတိ လို့ဆိုပါတယ်။ လောကာဓိပတိဆိုတာက မိမိနဲ့ပတ်သက်ပြီး မိမိ ပတ်ဝန်းကျင်လောကကို
နစ်နာမှုမရှိ ရအောင် ပတ်ဝန်းကျင်ကို လေးစားတဲ့သဘောထား ဖြစ်ပါတယ်။
တတိယ သဘောထားဖြစ်တဲ့
ဓမ္မာဓိပတိဆိုတဲ့သဘောထားအတွင်းမှာ ဓမ္မဆိုတဲ့ ကျယ်ပြန့်လွန်းလှတဲ့ အနှစ်သာရနဲ့ ဓမ္မသဘော
နိယာမတွေ ပါဝင်နေပါတယ်။ ဓမ္မဆိုတာ သံသရာအတွင်းနဲ့ပတ်သက်နေသလို သံသရာလွန်နဲ့လည်း
ပတ်သက် ဆက်နွှယ်နေပါတယ်။ တကယ်တော့ ဓမ္မဆိုတာ တစ်ဦးချင်းမှသည်
လောကကြီးတစ်ခုလုံးနဲ့ပတ်သက် ဆက်စပ်လျက် ရှိနေတာ ဖြစ်လို့ လောကီပစ္စက္ခ
ငြိမ်းချမ်းသာယာရေးအတွက် ဓမ္မကို စိတ်ရင်း စေတနာမှန်ကန်စွာနဲ့ လေးစား လက်ခံ
လိုက်နာအပ်သလို တမလွန် ငြိမ်းချမ်းသာယာရေးအတွက်လည်း သတ်မှတ်ထားတဲ့ ကိုယ်ကျင့်သိက္ခာ
များ၊ ကုသိုလ်ကောင်းမှုများနဲ့ လူ့ဘဝအတွက် အလေးအနက်ထားရမယ့် ဗုဒ္ဓဘုရားရှင်ရဲ့
ဓမ္မကျင့်စဉ်များကိုလည်း ဂရုဓမ္မဖြင့် လေးစား လိုက်နာကာ ဆောင်ရွက်လုပ်ကိုင် သွားကြဖို့
ဖြစ်ပါတယ်။
ဒါ့အပြင် ဓမ္မအစစ်ဆိုတာ မိမိရဲ့ တဏှာ၊
မိမိရဲ့ မာနနဲ့၊ မိမိရဲ့ ဒိဋ္ဌိတို့ကို ပါးသည်ထက် ပါးအောင် လုပ်ပေးနိုင်တဲ့သဘောကို
ဆောင်တဲ့ ဓမ္မသည်သာလျှင် စစ်မှန်သော ဓမ္မ ဖြစ်ပါတယ်။ မိမိတစ်ဦးတည်းရဲ့ အယူအဆမူဝါဒအရ
အကောင်းဆုံး လို့ သတ်မှတ်ထားရုံမျှနဲ့တော့ ဓမ္မ အစစ် မဖြစ်နိုင်ပါဘူး။ တစ်နည်း
အားဖြင့်ဆိုရရင် ဓမ္မဆိုတာ မိမိရဲ့ တဏှာကြောင့်ဖြစ်လာရတဲ့ အတ္တ၊ မာနကြောင့်
ဖြစ်လာရတဲ့ အတ္တတွေ နဲ့ ဒိဋ္ဌိဖြင့် စွဲလာရတဲ့ အတ္တမှန်သမျှ ကို ပါးနိုင်သမျှ
ပါးစေနိုင်မှသာ စစ်မှန်သော
ဓမ္မလို့ဆိုရမှာ ဖြစ်ပါတယ်။ မိမိဆောင်ရွက်လုပ်ကိုင်မှု မှန်သမျှ အပေါ်မှာ မိမိရဲ့
အတ္တတွေ ပါးနိုင်သမျှ ပါးနေအောင် ထားရှိ ဆောင် ရွက်လုပ်ကိုင်သူဟာ တရားကို လေးစားသူ (သို့မဟုတ်)တရားစစ်
(ဓမ္မအစစ်အမှန်)ကို လေးစား လိုက်နာသူဖြစ်လို့ ထိုသူကို ဓမ္မာဓိပတိ သဘောထားရှိသူလို့
သတ်မှတ်ရမှာ ဖြစ်ပါတယ်။
လုပ်ငန်းများ လုပ်ကိုင်ဆောင် ရွက်ရာမှာ
အတ္တာဓိပတိသဘောထား၊ လောကာဓိပတိ သဘောထား နဲ့ နက်ရှိုင်းကျယ်ပြန့်လွန်းလှတဲ့ ဓမ္မာဓိပတိသဘောထား သုံးပါးအား
လက်ကိုင်ထားသင့်တယ်လို့ ဗုဒ္ဓ ဘုရားရှင် သွန်သင်ဆုံးမဟောပြခဲ့ရတာကလည်း အကြောင်းမဲ့
မဟုတ် ပါဘူး။ ဒီလောကကြီးအတွင်းမှာ ဘယ်လုပ်ငန်းကိုပဲ လုပ်လုပ် အကုသိုလ်လုပ်ငန်းများကို
မလုပ်မိ အောင်၊အတ္တစိတ်နည်းပါးစွာဖြင့်သာ အရာရာကို လုပ်ကိုင်ဆောင်ရွက်
သွားတတ်ဖို့ရာနဲ့ မိမိပတ်ဝန်းကျင်နဲ့ လောကကို မိမိဘဝအတွက် အသုံးမချဘဲ မိမိဘဝကိုသာ
လောကအတွက် အသုံးချတတ်အောင် ဘုရားရှင်က
သွန်သင်ညွှန်ပြခဲ့ခြင်းသာ ဖြစ်ပါတယ်။
မြတ်ဗုဒ္ဓ ညွှန်ပြတော်မူခဲ့တဲ့ အထက်ပါလုပ်ငန်းများ
လုပ်ကိုင် ဆောင်ရွက်ကြရာတွင် ထားရှိရမည့် အဓိပတိသုံးပါးကို လက်ကိုင်ထားသူများဟာ
မိမိရဲ့ တဏှာ၊ မာန၊ ဒိဋ္ဌိများ စွဲနေတဲ့ အတ္တများကို အထိုက် အလျောက် ပါးသွားစေအောင်
ဆောင်ရွက်နေသူများ ဖြစ်ကြပါတယ်။ တစ်နည်းအားဖြင့် ပြောရရင် ထိုထိုသော
ပုဂ္ဂိုလ်များဟာ မြတ်စွာ ဘုရားရှင် သွန်သင်တော်မူခဲ့သည့် အဓိပတိသုံးပါးအဝင်အပါ
ဓမ္မာဓိပတိ သဘောထားဖြင့် မိမိ၏ အတ္တများ ပါးသည်ထက်ပါးအောင် ဆောင်ရွက်ခြင်းဖြစ်ကြကာ
တရား ဓမ္မကို လေးစားသူများလို့လည်း ဆိုနိုင်ပါတယ်။ မိမိရဲ့ ဘဝသက်တမ်း တစ်လျှောက်မှာ
ဓမ္မာဓိပတိသဘောထားဖြင့် လုပ် ကိုင်ဆောင်ရွက်ပြုမူခဲ့မှု ရှိçမရှိ ဆိုတာ မိမိတို့
ကွယ်လွန် ခါနီးအချိန်မှာ မိမိပြုခဲ့သောကံများ က မိမိတို့ကို ကံ၊ ကမ္မနိမိတ်၊ ဂတိ
နိမိတ်တို့ ပြလာထင်လာစေတော့မှာ ဖြစ်ပါတယ်။
မိမိပြုလုပ်ခဲ့တဲ့ ကံဟာ ဓမ္မ နိယာမအရ
တူသောအကျိုးကိုသာ ပေးတတ်လေ့ရှိပါတယ်။ ကံကိုလိမ် ညာလို့ မရနိုင်ပါဘူး။
မိမိပြုလုပ်ခဲ့တဲ့ကံက ထူးခြားတဲ့ ဂတိနိမိတ်များကို ကွယ်လွန်ခါနီး ကာလမှာ ထင်ဟပ်ပြတတ်ပုံကို
စုန္ဒလို့ အမည်ရ တဲ့ ဝက်ရောင်းဝက်မွေးစီးပွားရေးသမားရဲ့ ဖြစ်ရပ်နဲ့ ပြန်လည်ထင်ဟပ်ကာ
သာဓကပြလိုပါတယ်။
ရာဇဂြိုဟ်မြို့သား စုန္ဒရဲ့အိမ်ဟာ
ဗုဒ္ဓမြတ်စွာဘုရားရှင် သီတင်း သုံးနေတော်မူရာ ဝေဠုဝန်ကျောင်း တော်နဲ့
သိပ်မဝေးလှပေမယ့် စုန္ဒဟာ ဘုရားရှင်ရှိရာသို့ တစ်ခါတစ်ခေါက်ပင် သူ့ဘဝတစ်သက်တွင်
သွားရောက်ဖူးမြင်ခဲ့ဖူးခြင်း မရှိ ခဲ့သလို ဘုရားရှင်ရဲ့ တပည့်သား
သံဃာတော်များကိုလည်း လမ်းမှာ ရင်ဆိုင်တွေ့လျှင်ပင် မမြင်ယောင် ပြုရုံမက ဆွမ်းအစရှိသည့်
အရာများဖြင့် ပေးလှူဒါန်းမှုကိုလည်း သူ့ဘဝ တစ်သက်တာမှာ တစ်ကြိမ်တစ်ခါမျှ ပြုခဲ့ဖူးလေ့မရှိသူ
စီးပွားရေးလုပ်ငန်းရှင်တစ်ဦးဖြစ်ပါတယ်။ စုန္ဒဟာ သူ့ဘဝတစ်သက်တာမှာ ပေးကမ်း လှူဒါန်း တယ်ဆိုတာ
မရှိခဲ့သလို သီလကို မဆောက်တည်ရုံမက တရားဘာဝနာ ပွားများခြင်းကိုလည်း လုံးဝမပြုလုပ်ခဲ့လင့်ကစား
ဝက်များကို ဝယ်ယူမွေးမြူကာ ရက်စက်စွာ သတ်ဖြတ်ရောင်းချမှု များကိုတော့ စိတ်အားထက်သန်
အားမာန်အပြည့်ဖြင့် ပြုလုပ်ခဲ့ပါတယ်။ တကယ်တော့ စုန္ဒဟာ ကိုယ်ကျင့်တရား တည်ဆောက်ရေးအတွက်
ဘာသာရေးကို စိတ်ဝင်စား မှုမရှိသူ ဖြစ်သလို မိမိရဲ့အနီး ပတ်ဝန်းကျင်ကို ခင်မင်ငဲ့ညှာ
ထောက်ထားစာနာ ရကောင်းမှန်း မသိ၊ သူလုပ်ချင်ရာကိုသာ အမှန် အမှား မခွဲခြားဘဲ
ဇွတ်တရွတ်လုပ်တတ်သူ (သို့မဟုတ်) လူမဟုတ်တဲ့ လူလို့သာ ဆိုရမှာဖြစ်ပါတယ်။ အခုလို
ဆိုရတာကလည်း စုန္ဒရဲ့ ရက်စက်တဲ့ဝက်သတ်နည်းကြောင့်သာ ဖြစ်ပါတယ်။
စုန္ဒဟာ တိုင်မှာ မလှုပ်နိုင်အောင်
ချည်နှောင်တုပ်ထားတဲ့ ဝက် တွေကို အရေပြားနဲ့အသားတွေ ဖူး ရောင်လာအောင် တင်းပုတ်နဲ့
ထုပြီးမှ ဟနေတဲ့ပါးစပ်ကို တုတ်ဖြင့် ထောက်ထားကာ ကျိုက်ကျိုက်ဆူ ပွက်နေတဲ့
ရေနွေးပူပူတွေကိုလောင်းထည့်ပါတယ်။ ဝက်တွေရဲ့ အူအတွင်းမှ အရည်ဖြူများ ကျဆင်းလာချိန်
မှာတော့ ဝက်များဟာ စူးစူးဝါးဝါး အော်ဟစ်ရုန်းကန်ရင်း သေကြရပါ တယ်။ စုန္ဒဟာ
သူအသက်ရှင်နေခဲ့ တဲ့ (၅၅) နှစ်တာဟာ ဒီနည်းနဲ့သာ လုပ်ကိုင်ဆောင်ရွက်ခဲ့ပါတယ်။
စုန္ဒရဲ့ အဓမ္မလုပ်ရပ်များကို ဓမ္မက
အဓိပတိအဖြစ် အုပ်စိုးလွှမ်းမိုးလာတဲ့အခါမှာတော့ ကိုယ်ကျင့်တရားလည်းမရှိ၊
ပတ်ဝန်းကျင်ကိုလည်း ဂရုမစိုက် စာနာမှုမရှိခဲ့တဲ့ စုန္ဒဟာ သူလုပ်ခဲ့သမျှကံများက
မကျန်းမမာ ဖြစ်လို့ ကွယ်လွန်ရတော့မယ့် စုန္ဒကို နိမိတ်တွေ ထင်လာ ပြလာပါ
တော့တယ်။ကျိုက်ကျိုက်ဆူ ပူလောင်နေတဲ့ ရေနွေးရဲ့ ပူလောင်ခြင်းရဲ့ ဒဏ်ကို
ဝက်များခံစားရသလို စုန္ဒလည်း လူ့ဘဝ၌ပင် ခန္ဓာကိုယ်တွင်းမှ ငရဲမီးတစ်မျှပူလောင်ခြင်း
အမျိုးမျိုးကို အလိုလိုခံစားကာ အော်ဟစ်ရုန်းကန်မှုများဖြင့် ခုနစ်ရက်ခံစားရကာ
ကွယ်လွန်ခဲ့ရပြီး နောက် အဝီစိငရဲသို့ ကျရောက်ခဲ့ရ ပါတော့တယ်လို့ ပါဠိတော်လာရှိပါတယ်။
ဝက်မွေး ဝက်ရောင်းဝက်သတ် ပြိုင်စံရှား
စုန္ဒရဲ့လုပ်ငန်း ဆောင်ရွက် ရာမှာ မြတ်စွာဘုရားရှင် သွန်သင် ဟောကြားတော်မူထားခဲ့တဲ့
လုပ်ငန်းဆောင်ရွက်သည့်အခါ နှလုံးသွင်းထားရှိရမယ့် အတ္တာ ဓိပတိ၊ လောကဓိပတိနဲ့ သံသရာတွင်းနှင့်
သံသရာလွန်ဘဝတို့ အတွက် အရေးကြီးတဲ့ ဓမ္မာဓိပတိ ဆိုတဲ့ နှလုံးသွင်းမှု သဘောထားများ
လားလားမျှ မပါဝင်တာကို လေ့လာ သုံးသပ် တွေ့ရှိကြရမှာပါ။ တကယ်တော့ စုန္ဒဟာ လောကကို မိမိဘဝ
(ငါ့အတွက်သာ) အတွက်သာ အသုံးချသွားခဲ့တဲ့ မကောင်း သော နှလုံးသွင်းမှုရှိသူသာ ဖြစ်ပါ
တယ်။ တစ်နည်း ပြောရရင် စုန္ဒဟာ လူဆိုတဲ့မိမိသိက္ခာကို မိမိမလေးစားတဲ့အပြင် မိမိ
ပတ်ဝန်းကျင်ကို လည်း လေးစားမှု မရှိခဲ့ရုံမက ပစ္စက္ခ ငြိမ်းချမ်း သာယာရေးနဲ့ တမလွန်
ငြိမ်းချမ်းသာယာရေးအတွက် သတ်မှတ်ထားတဲ့ ကိုယ်ကျင့်သိက္ခာ များ၊ပြုလုပ်ရမည့်
ကုသိုလ်ကောင်းမှု များနှင့်တကွ အားထုတ်ပွားများရမည့် တရားဓမ္မ ကျင့်စဉ်ဘာဝနာ များကို
ဘာတစ်ခုမျှ လိုက်နာ လေ့ကျင့် ပွားများ အားထုတ်ခြင်း အလျဉ်းမရှိခဲ့လို့ စုန္ဒကို
ဘာသာမဲ့ တစ်ယောက်အဖြစ် သတ်မှတ်ကာ ဓမ္မာဓိပတိသဘောထားအား နှလုံး မသွင်းသူအဖြစ်
သုံးသပ်ရှုမြင် နိုင်ကြပါတယ်။
ဓမ္မာဓိပတိ နှလုံးသွင်းမှုမရှိဘဲ
မိမိတစ်ဦးတည်း ကောင်းကျိုးချမ်းသာရေးကိုသာ တစ်သက်တာ ပတ်လုံး
ဆောင်ရွက်လုပ်ကိုင်သွားတဲ့ စုန္ဒရဲ့ အကုသိုလ်ကံ အကျိုးပေးပုံကို အကြောင်းပြုကာ
မြတ်စွာဘုရားရှင်က ....
“မကောင်းမှု ပြုသူသည် ဤ ပစ္စုပ္ပန်ဘဝ၌လည်း
စိုးရိမ်ပူပန်ရ၏။ နောင်တမလွန်ဘဝ၌လည်း စိုးရိမ် ပူပန်ရ၏။ ပစ္စုပ္ပန် တမလွန်
နှစ်ဘဝလုံး၌ စိုးရိမ်ပူပန်ရ၏”
“ထိုသူသည် မိမိ၏ ညစ်ညူးသော
အကုသိုလ်ကံကြမ္မာကို မြင်၍ စိုးရိမ်ပူပန်ရ၏။ စိုးရိမ်ပူပန်ရသည် နှင့်အမျှ ပင်ပန်းရ၏”
လို့ အဓိပ္ပာယ် ပါတဲ့ ဂါထာနှစ်ပုဒ်ကို ဟောကြား တော်မူခဲ့ပါတယ်။
ဒါကြောင့် မိမိတို့ရဲ့ ပစ္စုပ္ပန် တမလွန်
နှစ်ဘဝမှာ စိုးရိမ်ပူပန် ကြောင့်ကြမှုများစွာဖြင့် ပင်ပန်းခြင်း ဖြစ်မလာရအောင်
ဘာကိုပဲ ဆောင်ရွက်ကြသည်ဖြစ်စေ ဓမ္မာဓိပတိ သဘောထားကို နှလုံးသွင်းကာ
ဆောင်ရွက်နိုင်ကြပါစေ။
ရွှေအိုး
လက်ဆောင်များစွာပြန်ပေးသူ ( အရှင် သောဘိတ ဓမ္မာစရိယ ပေါက်ခေါင်း )
လက်ဆောင်များစွာ
ပြန်ပေးသူ
အရှင်သောဘိတ
(ဓမ္မာစရိယ၊
ပေါက်ခေါင်း)
(၁)
ပဏ္ဏာကာရဆိုတဲ့ ပါဠိကို လက်ဆောင်လို့
မြန်မာပြန်ကြပါတယ်။ လက်ဆောင်ပေးတဲ့အလေ့ အထဟာ ရှေးနှစ်ပေါင်းများစွာက ပင်
ရှိခဲ့ပါတယ်။ မေဏ္ဍကသူဌေးရဲ့မြေး ကောသလတိုင်း သာကေတ မြို့က ဝိသာခါရဲ့ လက်ထပ်ပွဲ
အပြီးမှာ ဝိသာခါဟာ သတို့သား ရှိရာ သာဝတ္ထိပြည်သို့ လိုက်ပါ သွားရပါတယ်။
သာဝတ္ထိပြည်သို့ရောက်တော့ သာဝတ္ထိပြည်က
မိတ်ဆွေတွေ၊ မိတ်ဆွေ မဟုတ်ပေမဲ့ ဝိသာခါရဲ့ သူဌေးသမီးဆိုတဲ့ဂုဏ်၊ ကိုယ်ကျင့်
သီလရှိတယ် ဆိုတဲ့ ဂုဏ်တွေကို ကြည်ညိုလေးစားသူတွေကလည်း မင်္ဂလာလက်ဆောင်တွေ လာပေးကြပါတယ်။ဝိသာခါကလည်း
လက်ဆောင်တွေ ပြန်ပေးခဲ့ပါတယ်။
ဒီလို ရှေးနှစ်ပေါင်းနှစ်ထောင်ကျော်လောက်ကတည်းက
လက်ဆောင်ပေးတဲ့ အလေ့အကျင့် တွေ ရှိခဲ့ကြပါတယ်။ တိုင်းပြည်အုပ်ချုပ် သူ
မင်းအချင်းချင်းလည်း လက်ဆောင်တွေ အသွားအပြန် ပေးကြတာကို ပိဋကတ်စာပေတွေမှာ၊
မြန်မာရာဇဝင်တွေမှာ တွေ့ကြရပါတယ်။
လက်ဆောင်ပေးတဲ့ အလေ့ အကျင့်ဟာ
ယခုခေတ်မှာလည်း ဆက်လက်ရှင်သန်လျက် ရှိပါတယ်။ မွေးနေ့လက်ဆောင်၊ မင်္ဂလာလက်ဆောင်၊အတတ်ပညာရှင်တွေ၊ရိုးသား
ကြိုးစားသူတွေ အတွက် ဂုဏ်ပြုလက်ဆောင်၊ သူငယ်ချင်းမိတ်ဆွေ အချင်းချင်း
ခင်မင်လေးစားလို့ ပေးတဲ့ လက်ဆောင် စသည်ဖြင့် လက်ဆောင်တွေ ပေးကြပါတယ်။
လက်ဆောင်တွေ ပေးတော့ ပေးတဲ့သူကလည်း ငါလက်ဆောင် ပေးတော့မယ်၊ ငါလက်ဆောင်တွေ
ပေးနေဆဲ၊ ငါလက်ဆောင်တွေပေးခဲ့ပြီလို့ အချိန်ကာလအားလျော်စွာ ဝမ်းမြောက်မှုတွေ
ဖြစ်ရပါတယ်။
လက်ဆောင် အပေးခံရတဲ့သူကလည်း
ငါလက်ဆောင်တွေ ရတော့မယ်၊ လက်ဆောင်တွေ ရနေ ဆဲ၊ လက်ဆောင်တွေရခဲ့ပြီလို့ အချိန်ကာလ
အားလျော်စွာ ဝမ်းမြောက် ကြရပါတယ်။
လက်ဆောင် ပေးသူ၊ လက်ဆောင်ရသူ
နှစ်ဦးတို့ဟာ အချင်းချင်း ချစ်ခင်လေးစားတဲ့ မျက်လုံး၊ တစ်ယောက်အကျိုးစီးပွားကို တစ် ယောက်က
လိုလားတဲ့မျက်လုံးတွေဖြင့် ကြည့်ပြီး ဝမ်းမြောက်ကြရပါ တယ်။
မွေးနေ့ပွဲတွေ၊ မင်္ဂလာပွဲတွေ၊ ဂုဏ်ပြု
ပူဇော်ပွဲတွေမှာ ပေးတဲ့ လက်ဆောင် ဖြစ်စေ၊ သူငယ်ချင်း မိတ်ဆွေအချင်းချင်းပေးတဲ့
လက်ဆောင်တွေ ဖြစ်စေ၊ အပေးခံရသူဟာ ပေးတဲ့သူတို့ရဲ့မွေးနေ့ပွဲတွေ၊ မင်္ဂလာပွဲတွေမှာဖြစ်စေ၊
ဂုဏ်ပြုပူဇော်ပွဲတွေမှာဖြစ်စေ၊ သူငယ်ချင်း မိတ်ဆွေအချင်းချင်း လက်ဆောင် ပြန်ပေးရမယ့်အခါမှာဖြစ်စေ၊
များသောအားဖြင့် သူတို့ပေးခဲ့ဖူးသော လက်ဆောင်နှင့် တန်ဖိုးမျှသော
လက်ဆောင်ကိုဖြစ်စေ၊ သူတို့ပေးတဲ့လက်ဆောင်ထက် သာလွန်တဲ့ လက်ဆောင်ပစ္စည်းကို ဖြစ်စေ
ပြန် လည် ပေးတတ်ကြပါတယ်။
ဒါမှလည်း ပထမလက်ဆောင်ပေးခဲ့တဲ့သူ
ဝမ်းမြောက်မှာ ဖြစ်ပါတယ်။ ဒီလို လောကသဘာဝ အလျောက် သူ့ထက် မနိမ့်ကျအောင်ဆိုပြီး
လက်ဆောင်တွေ ပြန်လည်ပေးတတ်ကြပါတယ်။
(၂)
၁၉၈၈-ခုနှစ်က စာရေးသူ ပေါက်ခေါင်းမြို့၊
အသောကာရုံ ကျောင်းတိုက်မှ ပြည်မြို့၊ဇောတိကာရုံ ပါဠိတက္ကသိုလ်ကျောင်းတိုက်သို့
စာပေသင်ကြားရန်အတွက် ပြောင်းခဲ့ပါတယ်။ ပြည်မြို့က ဒါယကာ ဒါယိကာမတွေက စာရေးသူ
ဆွမ်းခံ ကြွတဲ့အခါ သပိတ်အပြည့် ဆွမ်း လောင်းကြပါတယ်။ မုန့်တွေ သစ်သီးတွေလည်း
လောင်းကြလို့ သပိတ်ဖုံးပေါ်မှာတင်ပြီး ယူခဲ့ရပါတယ်။အဲဒီ ဆွမ်းတွေ၊မုန့်တွေ၊သစ်သီးတွေကို
စာရေးသူက ဇောတိကာရုံ ပါဠိတက္ကသိုလ် သံဃာတော် လေးရာ ကျော်ထဲက ဆွမ်းနည်းတဲ့ ရဟန်း၊
ဂီလာရဟန်း၊ အာဂန္တုက ရဟန်းတွေကို လှူဒါန်းပါတယ်။ သပိတ်ထဲရှိသမျှ ဆွမ်းတွေကို အကုန်
လှူဒါန်းခြင်းဖြစ်ပါတယ်။ စာရေးသူ ဆွမ်းဘုဉ်းပေးဖို့အတွက်တော့ စာရေးသူတို့
စုပေါင်းစားတဲ့ ဆွမ်းဝိုင်းက ဦးဇာဂရ(မင်းတုန်း)နှင့် ဦးဣန္ဒာစာရ(မိုးညို)စတဲ့
သီတင်းသုံးဖော်တွေက ဝိုင်းဝန်းလှူဒါန်း ကြပါတယ်။ ဆွမ်းတွေ လှူဒါန်းခဲ့တာ
ကိုးနှစ်လောက် ကြာခဲ့ပါတယ်။
၁၉၉၈-ခုနှစ်မှာတော့ စာပေ ဗဟုသုတတွေ၊
ဒေသန္တရ ဗဟုသုတတွေ ရရှိအောင်လို့ မန္တလေးမြို့၊ ချမ်းမြသာစည်မြို့နယ်၊ဒက္ခိဏာရာမ
ဘုန်းကြီးကျောင်းတိုက်၊ ဒေါနခြံ ကျောင်းဆောင်သို့ ပြောင်းခဲ့ပါ တယ်။ စာရေးသူ ဆွမ်းခံကြွတော့ မန္တလေးက ဒါယကာ ဒါယိကာမတွေကလည်း ဆွမ်းသပိတ်
ပြည့်အောင် လောင်းလှူကြပါတယ်။ မုန့်တွေ သစ်သီးတွေကတော့ ပြည်မှာထက် ပိုပြီးရပါတယ်။
မဟာမြတ်မုနိဘုရားကြီးမှာ နေ့စဉ်
ဆွမ်းကပ် ဘုရားဝတ်လည်း ပြုခဲ့ပါတယ်။ ဘုရားဝတ်ပြုစဉ် နေ့ စဉ် ဘုရားဝတ်ပြုလာတဲ့
၈၄-လမ်း က ပိဋကတ်တော် ပြန့်ပွားရေးပုံ နှိပ်တိုက်ပိုင်ရှင်သမီး ဒေါ်ဝင်းနွဲ့နွဲ့က
နေ့စဉ် မုန့်များ လှူဒါန်းပူဇော် ပြီး လိုအပ်တဲ့ပစ္စည်း အလှူခံရန်လည်း ဖိတ်ကြား
ခဲ့ပါတယ်။ ဘုရားကြီး တောင်ဘက် အသောကာရုံ ကျောင်းတိုက်၊ဇောတိကာရုံကျောင်းဆောင်မှာ
နေ့စဉ် သပိတ်ထက်ဝက် ခွဲပြီး ဆွမ်းလှူခဲ့ပါတယ်။ မုန့်တွေ သစ်သီးတွေကိုလည်း ဒက္ခိဏာရာမ
ကျောင်းတိုက်၊ နယားဆရာတော် ဦးမေဃိယာဘိဝံသနှင့် ဒေါနခြံကျောင်းဆောင်မှ သံဃာတော်တို့အား
လှူဒါန်းပူဇော်ပါတယ်။
တစ်နေ့ ၈၂ - လမ်းမှာ ဆွမ်း ခံြွကတော့
တိုက်အိမ် တစ်အိမ်မှ ဒါယကာတစ်ယောက်က မုန့်တစ်ထုပ် လှူဒါန်း ပူဇော်ပါတယ်။ သူ
လှူဒါန်းပြီး တိုက်ထဲ ပြန်ဝင်တော့
သုံးနှစ်သမီးဝန်းကျင် တူမလေးဖြစ် ဟန်ရှိသူက -
“လေးလေး ဘာဖြစ်လို့ ဘုန်းကြီးကို
မုန့်သွားပေးတာလဲ” လို့ မေးသံကြားလိုက်ပါတယ်။ ဒီတော့ ဒါယကာလေးက -
“ပေးတာ မဟုတ်ပါဘူးကွ၊ လှူတာ လှူတာ”လို့
ပြန်ရှင်းပြသံ ကြားရပါတယ်။
“မုန့်ယူသွားတဲ့ ဘုန်းကြီးက လေးလေးကို
ဘာပြန်ပေးမှာလဲ” လို့ဆက်မေးရင်တော့ ဦးလေးဖြစ် သူက ဘယ်လိုပြန်ဖြေမယ်မသိနိုင် ပါ။ အဲဒီဘုန်းကြီးကို
ဘာလို့ မုန့်ပေးရတာလဲဆိုတဲ့ ကလေးရဲ့ စူးစမ်း ဆင်ခြင်ဥာဏ်ဖြင့် မေးတဲ့
ဘာသာရေးမေးခွန်းဆန်ဆန် စကားလေးကို စာရေးသူ မမေ့နိုင်ဘဲဖြစ်နေပါတယ်။
အဲ့ဒီအိမ်က ဆွမ်းချက်နောက် ကျတဲ့နေ့တိုင်း
စာရေးသူအား မုန့်ထုပ် အမြဲ လှူဒါန်းပါတယ်။ ဒီလို စာရေးသူ
သုံးနှစ်လောက်နေခဲ့လို့ သုံးနှစ်အတွင်း
လှူဒါန်း ပူဇော်နေတဲ့ ဒါယကာလေးကို စာရေးသူက ဘာတွေ လက်ဆောင်ပြန်ပေးခဲ့ပါသလဲ။
မြန်မာပြည်မှာ သံဃာတော် လေးသိန်းဝန်းကျင် လောက်ရှိတယ် လို့ သိရပါတယ်။ အဲဒီသံဃာတော်
တို့ရဲ့ဆွမ်း၊ သင်္ကန်း၊ ကျောင်း၊ဆေး တို့အတွက် မြန်မာပြည်သူပြည်သားတွေက နေ့စဉ်
လှူဒါန်းပူဇော်နေ ကြရပါတယ်။ သံဃာတော်တွေက ဒါယကာ ဒါယိကာမတွေကို ဘာလက်ဆောင်တွေပြန်ပေးခဲ့ပါသလဲ။
(၃)
မန္တလေးမြို့ ၈၂-လမ်းက တိုက်ရှေ့မှာ
နံနက် (၈းဝ၀) နာရီဝန်းကျင် အချိန် ဆွမ်းခြွံကတဲ့ စာရေးသူဟာ ပထဝီရုပ်(မြေရုပ်)၊
တေဇောရုပ်(မီး ရုပ်)၊ အာပေါရုပ်(ရေရုပ်)၊ ဝါယော ရုပ်(လေရုပ်)၊ စက္ခုပသာဒရုပ် စတဲ့ ရုပ်တရားများစွာဖြင့်
ဖွဲ့စည်းထားတဲ့ ခန္ဓာကိုယ် ဖြစ်ပါတယ်။ ရုပ်တရားများစွာ ထဲမှာ ရူပါရုံဆိုတဲ့ ရုပ်
တရားတစ်ခု ပါဝင်ပါတယ်။ အခြား ရုပ်တွေကို စက္ခုပသာဒဖြင့် ရှုကြည့်လို့ မမြင်ရပါဘူး။
ရူပါရုံရုပ်တစ်ခုကိုပဲ စက္ခုပသာဒရုပ်ဖြင့် မြင်နိုင်ပါတယ်။ တိုက်ထဲမှာရှိနေတဲ့
ဒါယကာရဲ့ မျက်စိမှာ စက္ခုပသာဒ ရုပ် အကြည်ဓာတ်ရှိပါတယ်။ ရူပါရုံကို
ဖမ်းယူနိုင်ပါတယ်။
စာရေးသူရဲ့ရူပါရုံနဲ့ ဒါယကာ
ရဲ့စက္ခုပသာဒရုပ်တို့ ပေါင်းပေါင်း ဆုံမိတဲ့အခါ ဒါယကာမှာ စက္ခု ဝိညာဏ်စိတ်
ဖြစ်ပါတယ်။ စက္ခု ဝိညာဏ်စိတ်ရဲ့အခြားမဲ့မှာ ရူပါရုံကို ခံယူတတ်တဲ့ သမ္ပဋိစ္ဆနစိတ်
ဖြစ်ပါ တယ်။ သမ္ပဋိစ္ဆနစိတ်ရဲ့အခြားမဲ့မှာ ရူပါရုံကို စုံစမ်းတတ်တဲ့ သန္တီရဏ
စိတ်ဖြစ်ပါတယ်။ သန္တီရဏစိတ်ရဲ့ အခြားမဲ့မှာ ရူပါရုံကို မှတ်တတ်တဲ့ ဝုဋ္ဌောစိတ်
ဖြစ်ပါတယ်။
ဝုဋ္ဌောစိတ်ရဲ့အခြားမဲ့မှာ မြတ်
သောအကျင့်ကိုကျင့်နေတဲ့ ရဟန်းြွကလာတာပဲ၊ ရဟန်း ချမ်းသာစွာ စားရအောင်၊ တို့လည်း
ကုသိုလ် ဖြစ်အောင် ဆွမ်းလှူဦးမှပဲ၊ ဆွမ်း မကျက်သေးရင် မုန့်လှူဦးမှပဲ စသဖြင့်
သင့်လျော်သောအားဖြင့် နှလုံး သွင်းစိတ်ထားခြင်း ယောနိသော မနသိကာရ ယှဉ်တွဲလာပါတယ်။
ယောနိသောမနသိကာရ စေတသိက်နှင့်အတူ ရဟန်းကို ဆွမ်းလှူမယ်ဆိုတဲ့
မဟာကုသိုလ် ဇော စိတ်တွေဖြစ်ပေါ်လာပါတယ်။မဟာကုသိုလ်(ကာမာဝစရကုသိုလ်)
စိတ်တို့နှင့်အတူ ဖဿ၊ဝေဒနာ၊ သညာ၊ စေတနာစတဲ့ အညသမာန်း စေတသိက် (၁၃) ပါး၊ သဒ္ဓါ၊ သတိ၊
ဟိရိ၊ ဩတ္တပ္ပ၊ အလောဘ၊ အဒေါသ၊ အမောဟစတဲ့ သောဘန စေတသိက်(၂၅)ပါးတို့ဟာ ကုသိုလ်စိတ်
အားလျော်စွာ ယှဉ်မှီပြီး ဖြစ်ကြ ပါတယ်။
စက္ခုဝိညာဏ်စိတ်မှ စပြီးဖြစ်ပေါ်လာတဲ့
စိတ်စေတသိက်တရားတွေဟာ ဟဒယဝတ္ထုရုပ် ဆီသို့ ရောက် အောင်သွားပြီး ဟဒယ ဝတ္ထုရုပ်ထဲမှာ
လျင်မြန်စွာ ဖြစ်ပေါ်ကြပါတယ်၊ ဒီတော့ ဟဒယဝတ္ထုရုပ် မှတစ်ဆင့် ကိုယ်တွင်းမှာရှိနေတဲ့
ဝါယောရုပ်(လေရုပ်)တွေကို လှုပ်ရှား တွန်းကန်စေပြီး ထိုင်နေ၊ ရပ်နေတဲ့
ဒါယကာရဲ့ရုပ်တရားကို ဆွမ်းအိုး ဆွမ်းခွက်ရှိရာ၊ မုန့်သစ်သီးရှိရာ ဌာနသို့သွားစေကာ
ဆွမ်းတွေကို ဖြစ်စေ၊ မုန့်၊ သစ်သီးတို့ကိုဖြစ်စေ ယူလာလျက် စာရေးသူအား
လောင်းလှူလိုက် ပါတော့တယ်။
ကာမာဝစရကုသိုလ်စိတ် ဖြစ်တဲ့အခါမှာ
ခုနစ်ကြိမ် (ခုနစ်စိတ်) လောက် ဆက်တိုက်ဖြစ်ကြပါတယ်။ ခုနစ်စိတ်မြောက်
ကုသိုလ်စိတ်ရဲ့ အခြားမဲ့မှာတော့ ယင်းကုသိုလ်ကိုပဲ အာရုံပြုတဲ့ တဒါရုံ ဝိပါက်စိတ်
နှစ်ကြိမ်နှင့် ဘဝင်စိတ်တွေများစွာ ဖြစ်ကြပါတယ်။ ဘဝင်စိတ်တွေက အာရုံကို ထင်ရှားစွာမသိကြတော့ပါဘူး။
မြတ်စွာဘုရား ထုတ်ဖော် ဟောတော်မူလို့ ဘဝင်စိတ် ဖြစ် ကြောင်းသိရတာ ဖြစ်ပါတယ်။
ဖြစ်ပေါ်လာတဲ့ ကုသိုလ်စိတ် ခုနစ်ခုဟာ ကာလ
သုံးမျိုး ခွဲပြီး အကျိုးပေးနိုင်ပါတယ်။ ပထမဖြစ် ပေါ်လာတဲ့ ကုသိုလ်စိတ်ဟာ ယခု
ပစ္စုပ္ပန်ဘဝမှာပဲ ကိုယ်စိတ်နှစ်ပါး ရွှင်လန်းခြင်း၊ ရှေးဘဝများစွာက ပြုခဲ့တဲ့ အပရာပရိယကုသိုလ်ကံတို့
အကျိုးပေးခွင့်ရခြင်း၊ လူအများချစ် ခင်နှစ်သက်ခံရခြင်း စတဲ့ အကျိုး တွေကို
ဖြစ်ပေါ်စေနိုင်ပါတယ်။
အလွန် သီလဖြူစင်တဲ့ အနာဂါမ်ပုဂ္ဂိုလ်၊
ရဟန္တာပုဂ္ဂိုလ် တွေက ဈာန် အဘိညဏ် သမာဓိ တရားဖြင့် စိတ်၊ စေတသိက်တွေကို
ချုပ်ငြိမ်းအောင် ပြုလုပ်ပြီး ခုနစ်ရက် ကြာမှ စိတ်စေတသိက်တို့ရဲ့ဖြစ်ပေါ်ခွင့်ကို
ပေးတဲ့ နာမ်တန်ခိုးသတ္တိတွေ ရှိနေကြပါတယ်။ နိရောဓသမာပတ် ဝင်စားတယ်လို့ ခေါ်ပါတယ်။
အဲဒီ ပုဂ္ဂိုလ်တွေ စိတ် စေတသိက်ချုပ်ငြိမ်းရာမှ
ခုနစ်ရက် ကြာတဲ့အခါ စိတ်စေတသိက်တို့ရဲ့ ဖြစ်ပေါ်ခွင့်ကို ပေးတဲ့အခါ အစာ အာဟာရတွေ
လိုအပ်နေပါတယ်။ အဲဒီအချိန်မှာ အစာအာဟာရတွေ ပေး လှူပူဇော်မိရင်တော့ ပစ္စုပ္ပန်
ဘဝမှာပဲ ကြီးပွားချမ်းသာခြင်း အကျိုးတွေကို ဖြစ်စေနိုင်ပါတယ်။
နောက်ဆုံးကုသိုလ်စိတ်ဖြစ်တဲ့
ခုနစ်ခုမြောက်စိတ်ကတော့ ဒုတိယ ဘဝမှာ အကျိုးပေးပါတယ်။ သတ္တဝါ တို့
ကွယ်လွန်ခါနီးအချိန်ရောက် တော့ မျက်စိတွေ၊နားတွေ၊ နှာခေါင်းတွေ၊ လျှာတွေ၊
ကိုယ်တွေမှာ မြင်သိစိတ်၊ ကြားသိစိတ်၊ နံ သိစိတ်၊ စားသိစိတ်၊ တွေ့သိစိတ်တွေ မဖြစ်တော့ပါဘူး။
ဒီတော့ စိတ်က အာရုံ တစ်ခုခုမှာ မှီပြီးဖြစ်တတ်တဲ့အတွက် ပစ္စုပ္ပန်အာရုံကို
မှီလို့မရတော့ ဟဒယဝတ္ထုရုပ်(နှလုံးရုပ်)ထဲမှာ ရှိတဲ့စိတ်က အတိတ်ကို အာရုံပြုလိုက်ပါတယ်။
ဟဒယဝတ္ထုရုပ်(နှလုံးရုပ်)ထဲ
မှာရှိတဲ့စိတ်ဟာ ထူးဆန်းပါတယ်။ ပစ္စုပ္ပန်၊ အတိတ်၊ အနာဂတ် ဆို တဲ့ ကာလ သုံးပါးကို
အာရုံပြုနိုင်ပါတယ်။
ကွယ်လွန်ခါနီး အချိန်မှာတော့ အတိတ်ကို
အာရုံပြုလိုက်ပါတယ်။ ဒီတော့ မကွယ်လွန်ခင် အတိတ် ကာလက ဆွမ်းလောင်းမယ်၊ သင်္ကန်းလှူမယ်လို့ ဖြစ်ပေါ်လာတဲ့
စေတနာ စေတသိက်လေးဟာ အသစ်ပြုရသလို ပြန်လည်ဖြစ်ပေါ် လာပါတယ်။ ကံအာရုံ၊ ကံနိမိတ်
ထင်တယ်လို့ ခေါ်ပါတယ်။ စေတနာ အားလျော်စွာ လှူမယ်ဖြစ်တဲ့ ဆွမ်း၊ သစ်သီး၊ မုန့်၊
သင်္ကန်း စသည်တို့ ကိုယူနေတဲ့ အမူအရာ၊လောင်းလှူ ပူဇော်နေတဲ့အမူအရာ စသည်တို့လည်း
ထင်မြင်လာနိုင်ပါတယ်။ ဒါကတော့ ကမ္မနိမိတ်ထင်တယ်လို့ ခေါ်ပါတယ်။ ကုသိုလ်ပြု စဉ်က
အမူအရာများ ဖြစ်ကြပါတယ်။
မိမိကံအားလျော်စွာ တွေ့ရမယ့်၊ ရောက်ရမယ့်
လူမိခင်ရဲ့ဝမ်း ရေပြား၊ လူမိခင်ရဲ့အသွင်တို့လည်း ထင်မြင်လာတတ်ပါတယ်။ မိမိနေ ရမယ့်
နတ်ဗိမာန်နှင့်နတ်ပဒေသာပင်၊ နတ်သမီး၊ နတ်သားအသွင် တွေလည်း မနောဒွါရ လို့ ခေါ်တဲ့ ဟဒယဝတ္ထုရုပ်(နှလုံးရုပ်)မှာ
ဖြစ်စေ၊ စက္ခုပသာဒရုပ် စသည်မှာ ဖြစ်စေ ထင်မြင်လာတတ်ပါတယ်။ ဒါကတော့ လူ့ပြည်၊
နတ်ပြည်တို့မှာ သွားရောက် ပဋိသန္ဓေယူရမယ့် ဂတိနိမိတ်ထင်မြင်လာခြင်း ဖြစ်ပါတယ်။
မိမိ ဂတိနိမိတ်ထင်ရာဌာနမှာ နေမယ်လို့လည်း
စိတ်ဆုံးဖြတ်လိုက်ရော ယခု လူ့ဘဝရဲ့နောက်ဆုံးစိတ် စုတေ(သေ)စိတ်ဟာ ဖြစ်ပြီး၊ ဒုတိယ
ဘဝမှာ မိမိဂတိနိမိတ်အားလျော်စွာ လူမိခင်ရဲ့ဝမ်းမှာ ပဋိသန္ဓေနေရ ခြင်း၊ နတ်ပြည်မှာ
ပဋိသန္ဓေစိတ် ဖြစ်ခြင်းအကျိုးတရားတွေကို ဖြစ်
စေနိုင်ပါတယ်။ ဒီလိုဇောခုနစ်လုံးထဲက နောက်ဆုံးဖြစ်တဲ့ ခုနစ်ခု မြောက်သောစိတ်ဟာ
ဒုတိယဘဝမှာ အကျိုးပေးနိုင်ပါတယ်။
ကုသိုလ်ဇောစိတ် ခုနစ်လုံးထဲ က ပထမစိတ်၊
သတ္တမစိတ်တို့ကို ထားပြီး အလယ်မှာဖြစ်တဲ့ ငါးလုံး သော ကုသိုလ်စိတ်တို့ကတော့
တတိယဘဝမှစပြီး လူ့ဘဝ၊ နတ် ဘဝတွေမှာ အကျိုးပေးပါတယ်။ နိဗ္ဗာန်ချမ်းသာကိုရည်မှန်းပြီး
လှူ ဒါန်း ပူဇော်ထားတဲ့ ကုသိုလ် ဆိုရင် နိဗ္ဗာန်ချမ်းသာရသည့်ဘဝတိုင်အောင်
ကောင်းကျိုးတရားတွေကို ပေးနိုင်ပါတယ်။
စိတ်တွေက လက်ဖျစ် တစ်တွတ်၊
လျှပ်တစ်ပြက်အတွင်းမှာ ကုဋေတစ်သိန်းလောက် ဖြစ်ပေါ် ခြင်း၊ ချုပ်ငြိမ်းခြင်းတို့
ဖြစ်ကြပါတယ်။ ဆွမ်းလောင်းလှူရန်အတွက် လုံ့လပြုရတာ လေးမိနစ်၊ ငါးမိနစ်
မျှကြာမယ်ဆိုရင် ကုသိုလ်စိတ်တွေဟာ ကုဋေပေါင်းများစွာ ဖြစ်မှာ ဖြစ်ပါတယ်။
ခုနစ်လုံးမျှလောက်သော ကုသိုလ်စိတ်ကလေးကပင်
ကာလ သုံးမျိုးခွဲပြီး လူ့ဘဝ၊ နတ်ဘဝနှင့် နိဗ္ဗာန်ချမ်းသာ ရည်မှန်းပြီး လှူဒါန်း
ပူဇော်လျှင် နိဗ္ဗာန်ချမ်းသာရသည့် တိုင်အောင် ကောင်းကျိုး တွေဖြစ်စေနိုင်တော့
ကျန်တဲ့ကုဋေပေါင်းများစွာ သောကုသိုလ်စိတ်တို့ကတော့ များစွာ သောဘဝတွေမှာ
ကောင်းကျိုး တရားတွေကိုရရှိစေပြီး နိဗ္ဗာန် ရည်မှန်း လှူဒါန်းထားလျှင် နိဗ္ဗာန်
ချမ်းသာမရမချင်း ကောင်းကျိုးတွေကို ပေးနေမှာဖြစ်ပါတယ်။
သာသနာတော်တွင်း ကာလမှာ ကုသိုလ်ကောင်းမှုလေး
တစ်ကြိမ် ပြုလိုက်ရုံမျှဖြင့် အဲဒီကောင်းမှုမှာ ဖြစ်ပေါ်လာတဲ့ နာမ်စွမ်းအင် တန်ခိုး
သတ္တိတွေဟာ ကြီးမားလှပါတယ်။ ရောက်မလာသေးတဲ့ အနာဂတ် စွမ်းအင် သတ္တိများစွာကို
ပိုင်ဆိုင် သွားပါတယ်။ အံ့ဩဖွယ်ရာလည်း ဖြစ်ပါတယ်။
ပိဋကတ်စာပေ၊ ထေရာပဒါန် ပါဠိတော်
မြန်မာပြန်မှာတွေ့ရတာကတော့ လွန်ခဲ့တဲ့ ကမ္ဘာတစ်သိန်းလောက်က ပွင့်တော်မူခဲ့တဲ့
ပဒုမုတ္တ ရဘုရားရှင်အား ဒါယကာတစ်ဦးက (ဆွမ်းအလို့ငှာ) ငှက်ပျောသီးတွေ
လှူဒါန်းပူဇော်လိုက်ပါတယ်။ လှူဒါန်း ပူဇော်မှု ကုသိုလ်မှုစေတနာစွမ်းအင် ကြောင့်
ဘယ်လိုအကျိုးတွေ ပေးမှာလဲလို့ ပဒုမုတ္တရဘုရားရှင်က အနာဂတံသအဘိဥာဏ်ဖြင့်
ဆင်ခြင်ကြည့်တော်မူပါတယ်။
အနာဂတံသအဘိဥာဏ် ဆို တာ ဒိဗ္ဗစက္ခုအဘိÓာဏ်ကြောင့်
ဆက်လက်ဖြစ်ပေါ်တဲ့ ဥာဏ်ဖြစ်ပါ တယ်။ အလွန်တည်ကြည်တဲ့ ဈာန် သမာဓိစွမ်းအင်ကြောင့်
ဖြစ်တဲ့ ဥာဏ် ဖြစ်ပါတယ်။ အဘိဥာဏ်ဖြင့် ဆင်ခြင်ကြည့်တော်မူပြီး ယခုလို ဗျာဒိတ်စကားကို
မိန့်ဆိုတော်မူပါတယ်။
“အကြင်သူသည် ငါဘုရားကို (ဆွမ်းအလို့ငှာ)
ငှက်ပျောသီးတို့ဖြင့် လုပ်ကျွေး၏။ ထိုသူကို ငါသည် ဗျာဒိတ်စကား ပြောကြားပေအံ့။
ပြောကြားမည့်ငါ၏စကားကို နားထောင်ကြကုန်လော့”
ထိုသူသည် တစ်ဆယ့်ရှစ်ကြိမ် တိုင်တိုင်
သိကြားမင်း ဖြစ်လတ္တံ့၊ သုံးဆယ့်လေးကြိမ် စကြဝတေး မင်း ဖြစ်လတ္တံ့၊ ကမ္ဘာတစ်သိန်း
အထက်၌(နောင် ကမ္ဘာတစ်သိန်း ကြာသောအခါ) ဥက္ကာကမင်းမျိုး၌ဖြစ်သော အနွယ်အားဖြင့် ဂေါတမ
မည်သောဘုရားရှင်သည် လောက ၌ ပွင့်လတ္တံ့။
ထိုသူသည် ထိုဂေါတမဘုရား ၏တရားတို့၌
တရားအမွေခံရင်သွေး ဖြစ်၍ ကုဏ္ဍဓာနအမည်ဖြင့် ထင်ရှားသော(ဈာန်မဂ်ဖိုလ်၊နိဗ္ဗာန်
ချမ်းသာရသည့်) တပည့်သာဝက ဖြစ်လတ္တံ့ဟု မိန့်တော်မူပါတယ်။ (ထေရာပဒါန်ပါဠိတော်
မြန်မာပြန်၊ ကုဏ္ဍဓာနတ္ထေရအပဒါန် စာမျက် နှာ ၉၃-မှ)
ပဒုမုတ္တရဘုရားရှင် ပွင့်တော် မူတဲ့အခါမှာပဲ ဟံသာဝတီမြို့က လူတစ်ယောက်ဟာ
နွားစာအလို့ငှာ မြက်ရိတ်ပြီး မြက်ကို ရောင်းကာ
အသက်မွေးရပါတယ်။ အလွန်ဆင်းရဲသူဖြစ်ပါတယ်။
တစ်နေ့ ပဒုမုတ္တရဘုရားရှင်ကို တွေ့တော့
သူ့မှာအပိုရှိနေတဲ့ ပုဆိုး တစ်ထည်ကို (သင်္ကန်းချုပ်ဝတ်ရန် အတွက်) ဘုရားရှင်အား
လှူဒါန်း ပူဇော်လိုက်ပါတယ်။
ပဒုမုတ္တရဘုရားရှင်က ခုလို လှူဒါန်း
ပူဇော်လို့ လှူဒါန်းသူမှာ ဘယ်လိုအကျိုးတွေ ပေးမှာလဲလို့ ဈာန်အဘိဥာဏ်ဖြင့် ဆင်ခြင်ကြည့် ပြီး ယခုလို
ဗျာဒိတ်စကားကို မိန့် ကြားတော်မူပါတယ်။
“ဤပုဆိုးတစ်ထည်(သင်္ကန်း
ချုပ်ဝတ်ရန်အလို့ငှာ)ကို လှူရခြင်း ကြောင့်လည်းကောင်း၊ တောင့်တ မှုကြောင့်
လည်းကောင်း၊ ကမ္ဘာတစ်သိန်းပတ်လုံး ပျက်စီး၍ ကျရောက်ရာ အပါယ်သို့မလား လတ္တံ့၊
သုံးဆယ့်ခြောက်ကြိမ်တိုင်တိုင် နတ်တို့ကို အစိုးရသည် ဖြစ်၍ နတ် မင်းအဖြစ်ကို
ပြုရလတ္တံ့၊ သုံးဆယ့် သုံးကြိမ်တိုင်တိုင် စကြဝတေးမင်း လည်း ဖြစ်လတ္တံ့၊
ပြန့်ပြောသော ပဒေသရာဇ်မင်း အဖြစ်ကိုကား ဂဏန်းအားဖြင့် မရေတွက်နိုင်။
သင်သည် နတ်ပြည်၌လည်းကောင်း၊
လူ့ပြည်၌လည်းကောင်း၊ ကျင်လည်ရသည်ရှိသော် အဆင်း လှသူသည်လည်းကောင်း၊ (ကိုယ်ကျင့်သီလရှိခြင်း၊
ချမ်းသြွာကယ်ဝ ခြင်း စသော) ဂုဏ်နှင့် ပြည့်စုံသူ သည်လည်းကောင်း၊ (သူတစ်ပါးတို့ က)
မနှိပ်စက်နိုင်သောကိုယ် ရှိသူ သည် လည်းကောင်း ဖြစ်လတ္တံ့။ ရန်သူသည်
မချောက်ချားနိုင်သော (မယူနိုင်သော)
မနှိုင်းယှဉ်နိုင်သည့် အဝတ်ပုဆိုးကို အလိုရှိတိုင်း ရလတ္တံ့ဟု
မိန့်တော်မူပါတယ်။ (ထေရာပဒါန်ပါဠိတော် မြန်မာပြန်၊ သကိံ သမ္မဇ္ဇကဝဂ်၊ ဧကဒုဿ ဒါယက-
တ္ထေရ အပါဒါန်၊ စာမျက်နှာ ၂/၃မှ)
ပိဋကတ်စာပေမှာလာတဲ့ ရှေး ကဖြစ်ခဲ့တဲ့
အကြောင်းအရာလေး နှစ်ခုကို ပြန်လည် သုံးသပ်ကြည့် မယ်ဆိုရင် ကောင်းမှုရှင်တို့ ပြုတဲ့
ကုသိုလ်တွေဟာ အနည်းငယ်မျှသော ငှက်ပျောသီး အလှူ၊ အဝတ် ပုဆိုးအလှူတို့ ဖြစ်ကြပါတယ်။
လှူဒါန်းပူဇော်မှု အချိန်ကာလ ကလည်း
ငှက်ပျောသီးအလှူ ဆိုရင် ၁၅-မိနစ်၊ ၂၀-မိနစ်အတွင်းမှာ ပြီးသွားနိုင်ပါတယ်။
အဝတ်ပုဆိုး အလှူဆိုရင် ငါးမိနစ်အတွင်းမှာ ပြီးသွားနိုင်ပါတယ်။ ပြုလုပ်မှု အချိန်
ကာလကလည်း တိုတောင်းလှပါ တယ်။
လှူဒါန်းပူဇော်မှုက နည်း၊ ပြု
လုပ်မှုအချိန်ကာလကလည်း နည်းပြီး ရရှိမည့်အကျိုးတွေ၊ အကျိုးကို ခံစားရမယ့်
အချိန်ကာလတွေက တော့ များလွန်းလှ ရှည်လျားလှပါတယ်။ ဖြစ်နိုင်ပါ့မလားလို့တောင်
သံသယဝင်ဖွယ် ဖြစ်ပါတယ်။ ကံ အကြောင်းတရားရဲ့အကျိုးပေးတရားဟာ မကြံစည်နိုင်လောက်အောင်
ဖြစ်ပါတယ်။ ကြံစည် တွေးတော နေရင် ကြံစည်တွေးတောသူမှာပဲ ကိုယ်စိတ်နှစ်ပါးပင်ပန်းခြင်း၊
စိတ်ပျံ့လွင့်ခြင်းတွေ ဖြစ်တတ်ပါတယ်။
လောကဥပမာဖြင့် လယ်ယာ မြေကောင်းမှာ
စိုက်ပျိုးလိုက်တဲ့ သရက်ပင်၊ သီးပင်၊ အုန်းပင် စတဲ့ သစ်သီးစေ့တွေကို ငါးစေ့၊
ခြောက် စေ့၊ ခုနစ်စေ့မျှ စိုက်ပျိုးလိုက်ပါတယ်။ အချိန်တန်လို့ သီးလာကြ သော်
ရာပေါင်းများစွာ၊ ထောင်ပေါင်းများစွာသော သရက်သီး၊သီး သီး၊ အုန်းသီး စသည်တို့ကို
အချိန် ကာလကြာမြင့်စွာ သီးပေးနေသကဲ့သို့ ဖြစ်ပါတယ်။
တစ်နည်းအားဖြင့် ကုသိုလ်
နာမ်စွမ်းအားလျော်စွာ တူမျှသော အကျိုးကို ပေးခြင်းလည်း ဖြစ်ပါ
တယ်။ကုသိုလ်စိတ်တွေမှာ စွမ်းအင် ပြည့်ဝတဲ့ စေတသိက်နာမ်တရား သုံးဆယ့်ရှစ်ပါးလောက်
ယှဉ်တွဲပြီး ဖြစ်ပေါ်လာနိုင်ပါတယ်။
အညသမာန်းစေတသိက် တစ်
ဆယ့်သုံးပါး၊သောဘနသာဓာရဏ စေတသိက် ဆယ့်ကိုးပါး၊ ဝိရတီ စေတသိက် သုံးပါး၊ အပ္ပမညာ စေတသိက်နှစ်ပါး၊ပညိနြေ္ဒစေတသိက်
တစ်ပါး၊ ပေါင်း သုံးဆယ့်ရှစ်ပါးသော စေတသိက်တို့ ကုသိုလ်စိတ် အားလျော်စွာ
ယှဉ်မှီပြီး ဖြစ်ကြပါတယ်။
ကုသိုလ်စိတ် အားလျော်စွာ ယှဉ်မှီပြီးဖြစ်တယ်ဆိုတာကတော့
ကောင်းမှုပြုစဉ် ဥာဏ်ယှဉ်မှု ဥာဏ် မယှဉ်မှု၊ ထက်သန်မှု မထက်သန်မှု စသည်တို့အပေါ်မှာ
မူတည်ပြီး သောဘနစေတသိက်တွေ အပြည့်အစုံဖြစ်စေ၊ မပြည့်စုံဘဲဖြစ်စေ ဖြစ်တယ်လို့
ဆိုလိုပါတယ်။
ဒီလို ကုသိုလ်စိတ်မှာ တန်ခိုး သတ္တိရှိတဲ့
ဖြူစင်တဲ့နာမ် စေတသိက်တွေ ယှဉ်တွဲဖြစ်ပေါ် ပါတယ်။ ဖြစ်ပေါ်ချိန်၊
ချုပ်ငြိမ်းချိန်တို့ဟာ အလွန်ပဲ လျင်မြန်လှပါတယ်။လက်ဖျစ်တစ်တွက် လျှပ်တစ်ပြက်အတွင်းမှာ
ကုဋေတစ်သိန်းလောက် ဖြစ်ပေါ်မှု၊ ချုပ်ငြိမ်းမှုတွေဖြစ်တယ်လို့ ဆိုပါတယ်။
ဒီတော့ ဆွမ်းလောင်းလှူစဉ်၊
သင်္ကန်းကပ်လှူစဉ် အနည်းငယ် သောအချိန်ကာလ ဖြစ်တဲ့ လေး မိနစ်၊ ငါးမိနစ်၊ ဆယ်မိနစ်မျှသော
အချိန်ကာလအတွင်းမှာ ဖြစ်ပေါ်လာတဲ့ ကုသိုလ်စိတ်တွေ၊ ကုသိုလ် စိတ်တွေနှင့်
ယှဉ်တွဲဖြစ်တဲ့စေတသိက်တွေကို ရေတွက်ခြင်းငှာ မစွမ်းနိုင်တော့ပါဘူး။
ရေတွက်ခြင်းငှာ မစွမ်းနိုင်တဲ့
စိတ်တွေထဲက စိတ်ကလေး ခုနစ်လုံးမျှကပင် ပစ္စုပ္ပန်အကျိုး၊ ဘဝသံသရာအကျိုး၊
ဒုတိယဘဝအကျိုး တွေကိုပေးနိုင်စွမ်းပါတယ်။ဒီတော့
ကျန်တဲ့ မရေတွက်နိုင်တဲ့ ကုသိုလ်စိတ်တို့ရဲ့အကျိုးပေးမှုကို ရေတွက်ခြင်းငှာ
မစွမ်းနိုင်တော့ပါဘူး။
ကုသိုလ်စိတ်ဟာ အင်အား သတ္တိတွေ၊
နာမ်စွမ်းအင်တွေ များစွာရှိတဲ့အတွက် ပဒုမုတ္တရဘုရား ရှင်က သူ့အား ငှက်ပျောသီးမျှ၊
ပုဆိုးတစ်ထည်မျှ လှူတဲ့ဒါယကာ နှစ်ဦးကို အနာဂတံသ အဘိညာဉ် ဖြင့် ကြည့်ပြီး “ငှက်ပျောသီးကို
ဆွမ်းအလို့ငှာ လှူရသောကောင်း မှုကြောင့် တစ်ဆယ့်ရှစ်ကြိမ်တိုင် တိုင် သိကြားမင်း
ဖြစ်ရလိမ့်မယ်၊ သုံးဆယ့်လေးကြိမ် စကြဝတေးမင်း ဖြစ်ရလိမ့်မယ်၊ နောင် ကမ္ဘာတစ်သိန်းလောက်မှာ
ပွင့်တော်မူမယ့် ဂေါတမ ဘုရားရှင်လက်ထက်အခါမှာ (ဈာန် မဂ်ဖိုလ်
နိဗ္ဗာန်ချမ်းသာကိုရမည့်) ကုဏ္ဍဓာန အမည်ရှိတဲ့ သာဝက ရဟန်းဖြစ်လိမ့်မယ်လို့ ဗျာဒိတ်
စကားမိန့်ဆိုတော်မူခြင်းဖြစ်ပါတယ်။
သင်္ကန်းချုပ်ရန်အလို့ငှာ ပုဆိုး
တစ်ထည်လှူတဲ့ ဒါယကာကိုလည်း ဤပုဆိုးတစ်ထည်(သင်္ကန်းချုပ်ရန် အလို့ငှာ)
လှူရသောကြောင့်လည်း ကောင်း၊ တောင့်တမှုကြောင့်လည်းကောင်း ကမ္ဘာတစ်သိန်းလုံး ပျက်
စီး၍ ကျရောက်ရာ အပါယ်သို့ မလားလတ္တံ့၊သုံးဆယ့်ခြောက်ကြိမ်တိုင်တိုင် နတ်တို့ကို
အစိုးရသည် ဖြစ်၍ နတ်မင်းအဖြစ်ကို ပြုရလတ္တံ့၊ သုံးဆယ့်သုံးကြိမ်တိုင်တိုင်
စကြဝတေးလည်း ဖြစ်ရလတ္တံ့၊ ပြန့်ပြောသော ပဒေသရာဇ်မင်း အဖြစ်ကိုကား ဂဏန်းအားဖြင့်
မရေတွက်နိုင်။
သင်သည် နတ်ပြည်၌လည်းကောင်း၊
လူ့ပြည်၌လည်းကောင်း ကျင်လည်ရသည်ရှိသော် အဆင်း လှသူသည်လည်းကောင်း၊ (သီလ ရှိခြင်း၊
ချမ်းသာခြင်းစသော)ဂုဏ် နှင့်ပြည့်စုံသူသည်လည်းကောင်း၊ (သူတစ်ပါးတို့
မနှိပ်စက်နိုင်သော) ကိုယ်ရှိသူ၊ မနှိုင်းရှည့်နိုင်သော အဝတ်ပုဆိုးကို အလိုရှိတိုင်း
ရသူ ဖြစ်လတ္တံ့လို့ ဗျာဒိတ်စကား မိန့်တော်မူခြင်းဖြစ်ပါတယ်။ ကောင်းမှု ပြုသူဟာ
ပစ္စုပ္ပန်ဘဝမှာပါ လူအများ ချစ်ခင်ခံရခြင်း၊ ကောင်း သတင်းကျော်ကြားခြင်း၊ သူတော်
ကောင်းတို့နှင့် တွေ့ကြုံရခြင်း၊ ငါးပါးသီလ လုံခြုံနေတတ်ခြင်း ဆိုတဲ့
အကျိုးတရားတွေကို ရရှိနိုင် ပါတယ်။
(၄)
လူ့လောကမှာ ပေးကြတဲ့ လက်ဆောင်တွေကို
ပစ္စည်းလက် ဆောင်၊ ဓမ္မလက်ဆောင်၊ မြင်ရ တဲ့ လက်ဆောင်၊ မမြင်ရတဲ့ လက်ဆောင်၊
ပစ္စုပ္ပန်ဘဝအတွက်လက်ဆောင်၊ သံသရာဘဝအတွက် လက်ဆောင်၊ ဘဝသံသရာမှာ မကြာခဏတွေ့ရသူကို
ပေးတဲ့ လက်ဆောင်၊ ဘဝသံသရာမှာ အလွန် တွေ့ခဲသူကို ပေးတဲ့ လက်ဆောင်
စသည်ဖြင့်များစွာခွဲခြားနိုင်ပါတယ်။
ဒါယကာ ဒါယိကာမတွေက ပစ္စည်းလက်ဆောင်၊
မြင်ရတဲ့လက်ဆောင်၊ ပစ္စုပ္ပန်လက်ဆောင်တွေ ပေးလှူ ပူဇော်ကြပါတယ်။ ဒီလို
လက်ဆောင်တွေပေးကြလို့ လက် ဆောင်တွေကို အမှီပြုပြီး ရဟန်း သံဃာတွေမှာ ဆွမ်း၊
သင်္ကန်း၊ ကျောင်း၊ ဆေး၊ ပစ္စည်းလေးပါးတို့ ဖြင့် ချမ်းသာစွာ နေကြရပါတယ်။
လက်ဆောင်တွေကို အမှီပြုပြီး တရားစာတွေ
ကျက်မှတ်ကြရ ပါတယ်။ တရားမှာ လာတဲ့အတိုင်း သံသရာဝဋ်ဆင်းရဲမှ လွတ်မြောက်
ကြောင်းတရားတွေကို အားထုတ် ကြရပါတယ်။ သာသနာတော် တည်တံ့ပြန့်ပွားအောင်၊ စာပေတွေ
ပို့ချကြ၊ တရားတော်တွေကိုဟော ကြားနိုင်ကြပါတယ်။ ဒါယကာ ဒါယိကာမတို့ရဲ့ကျေးဇူးတရားဟာလည်း
များလှပါတယ်။
ဒီလိုလက်ဆောင်ပစ္စည်းတွေ အမြဲလှူနေတဲ့
ဒါယကာဒါယိကာမ တို့အား စာရေးသူတို့ ရဟန်းသံဃာ ဘက်က -
“ဘာလက်ဆောင်တွေ ပြန် ပေးကြသလဲ”
ဒီလိုမေးခွန်းထုတ်နိုင်ပါတယ်။ ဝိနည်းပညတ်တော်အရ အာမိသ လို့ခေါ်တဲ့ စားဖွယ်၊
သောက်ဖွယ်၊ နေဖွယ်တွေကို ဝေယျာဝစ္စမပြုသူ တို့အား (လာဘ်လာဘ)မျှော်ကိုးပြီး
ပြန်မပေးကောင်းပါဘူး။ ပြန်မပေး ကောင်းလို့ စားဖွယ်၊ ဝတ်ဖွယ် စသည်တို့ကို မပေးပေမဲ့
ဓမ္မလက် ဆောင်တွေ၊မမြင်ရတဲ့လက်ဆောင်တွေ၊ သံသရာဘဝအတွက် လက် ဆောင်တွေကို
နိဗ္ဗာန်ချမ်းသာတွေ ရနိုင်သည့်ဘဝတိုင်အောင် ပေးခဲ့ပါတယ်။ ပညာရှိသူတို့ ဆင်ခြင်ပြီး
သိမြင်နိုင်ကြပါတယ်။
အမှန်တော့ ဒါယကာ-ဒါယိကာမတွေက အချိန်အနည်းငယ်လေးအတွင်းမှာ
အနည်းငယ်မျှ သော လက်ဆောင်လေးတွေကို ပေးလိုက်ကြပါတယ်၊ လှူဒါန်းပူဇော်လိုက်ကြပါတယ်၊
ရဟန်း သံဃာ တွေဘက်က များစွာသော ဓမ္မလက်ဆောင်တွေ၊ မမြင်ရတဲ့ လက်ဆောင်တွေ၊ သံသရာဘဝ
အဆက်ဆက်အတွက် လက်ဆောင်တွေကို ဒါယကာ ဒါယိကာမတို့အား နိဗ္ဗာန်ချမ်းသာရသည့် ဘဝတိုင်အောင်
ကာလရှည်ကြာစွာ ပြန်လည် ပေးလိုက်ကြပါတယ်။
လူ့လောကမှာလည်း ပထမ လက်ဆောင်ပေးထားသူရဲ့လက်ဆောင်နှင့်
တန်းတူညီမျှတဲ့ လက်ဆောင်ဖြစ်စေ၊ သူ့ထက်သာတဲ့ လက်ဆောင်ဖြစ်စေ ပြန်ပေးမှ သဘာဝကျပြီး
ပထမလက်ဆောင် အပေးခံရသူမှာ ဂုဏ်ရှိမှာ ဖြစ်ပါတယ်။ ဒီလိုပါပဲ ဒါယကာတွေပေးတဲ့ လက်ဆောင်ထက်
ရဟန်းတွေ ပြန်ပေးတဲ့ ဓမ္မလက်ဆောင်တွေ၊ မမြင်ရတဲ့ ကမ္မသတ္တိလက်ဆောင်တွေက
များမြတ်လှလို့ ဒါယကာတို့ နှစ်သက်ဝမ်းမြောက်ကြလိမ့်မယ်လို့ တွေးမိပါတယ်။
အရှင်သောဘိတ
(ဓမ္မာစရိယ-ပေါက်ခေါင်း)
Subscribe to:
Posts (Atom)